پتہ چلایا جائے جمال خاشقجی کی موت کن حالات میں واقع ہوئی‘ سیکریٹری جنرل -
The news is by your side.

Advertisement

پتہ چلایا جائے جمال خاشقجی کی موت کن حالات میں واقع ہوئی‘ سیکریٹری جنرل

نیویارک: اقوام متحدہ کے سیکریٹری جنرل انتونیوگوتریز نے سعودی صحافی جمال خاشقجی کی موت پر گہری تشویش کا اظہار کیا ہے۔

تفصیلات کے مطابق اقوام متحدہ کے سیکریٹری جنرل انتونیوگوتریز کا کہنا ہے کہ جمال خاشقجی کی موت سے متعلق فوری، شفاف اورجامع تحقیقات کی جائیں۔

سیکریٹری جنرل سعودی صحافی کی موت پرگہری تشویش کا اظہار کرتے ہوئے کہا کہ پتہ چلایا جائے جمال خاشقجی کی موت کن حالات میں واقع ہوئی۔

انتونیوگوتریز نے مطالبہ کیا کہ واقعے میں ملوث تمام افراد کوکٹہرے میں لایا جائے۔

سعودی عرب نے صحافی جمال خاشقجی کی موت کی تصدیق کردی

دوسری جانب سعودی عرب نے صحافی جمال خاشقجی کی قونصلیٹ میں موت کی تصدیق کرتے ہوئے کہا ہے کہ استنبول کے قونصل خانے میں جمال خاشقجی اور وہاں موجود افراد میں جھگڑا ہوا جس کے باعث ان کی موت واقع ہوئی۔

یاد رہے کہ گزشتہ روزامریکی صدر ڈونلڈ ٹرمپ نے سعودی عرب کو خبردار کیا تھا کہ گمشدہ سعودی صحافی کی ہلاکت کی تصدیق ہوئی تو نتائج سنگین ہوں گے۔

واضح رہے کہ سعودی صحافی جمال خاشقجی دو اکتوبر کو اپنی طلاق کے کاغذات کی تصدیق کے لیے ترکی کے شہر استنبول میں واقع سعودی قونصل خانے گئے تھے لیکن اس کے بعد سے ان کا کچھ پتا نہیں تھا، تاہم اب ان کی موت کی تصدیق ہوگئی۔

Comments

comments

یہ بھی پڑھیں