پاکستان کی مدد کےبغیرافغانستان میں جنگ نہیں جیت سکتے‘ جنرل جوزف -
The news is by your side.

Advertisement

پاکستان کی مدد کےبغیرافغانستان میں جنگ نہیں جیت سکتے‘ جنرل جوزف

واشنگٹن : جنرل جوزف ڈانفورڈ کا کہنا ہےکہ پاکستان کی مدد کے بغیرافغانستان میں جنگ جیتی نہیں جا سکتی۔

تفصیلات کےمطابق چیئرمین جوائنٹ چیفس آف اسٹاف جنرل جوزف ڈانفورڈ کا کہنا ہے کہ امریکہ پاکستان کے تعاون کے بغیر افغانستان میں جنگ نہیں جیت سکتا۔

صحافیوں سے گفتگوکرتے ہوئے جنرل جوزف ڈانفورڈ کا کہنا تھا کہ گزشتہ سالوں کےتجربات سے پتہ چلتا ہے کہ واشنگٹن پاکستان کی مد د کے بغیرافغانستان میں جنگ نہیں جیت سکے گا۔

چیئرمین جوائنٹ چیفس آف اسٹاف کا کہنا تھا کہ واشنگٹن کی جنوبی ایشیا سے متعلق نئی حکمت عملی میں پاکستان انتہائی اہم ہوگا۔

افغانستان میں اضافی امریکی افواج کی تعیناتی کے حوالے سےجنرل جوزف ڈانفورڈ کا کہنا تھا کہ افغانستان میں اضافی افواج کی تعیناتی سے روایتی افواج کو باغیوں کے ساتھ زیادہ قوت سے لڑنے میں مدد ملے گی۔


آرمی چیف سے امریکی مشن کے سربراہ جنرل جان نکلسن کی ملاقات


یاد رہےکہ گزشتہ روز آرمی چیف جنرل قمر باجوہ سے افغانستان میں امریکی مشن کے سربراہ جنرل جان نکلسن نے ملاقات کی تھی۔

واضح رہے کہ آرمی چیف نے بعض امریکی اورافغان حلقوں کی پاکستان پرالزام تراشی پر تحفظات کااظہار کیا تھا۔ ان کا کہنا تھا کہ دہشت گردی کےخلاف پاکستان کی قربانیوں اورکردار کو ہر سطح پرسراہا گیا ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Comments

comments

یہ بھی پڑھیں