اسلام آباد : امریکا نے کورونا امدادی پیکج کے تحت 10لاکھ کورونا ریپڈ ٹیسٹ کٹ پاکستان کے حوالے کردیں ، جس پر ڈاکٹر فیصل سلطان نے شکریہ ادا کیا۔
تفصیلات کے مطابق یو ایس ایڈ کی جانب سے کورونا امدادی پیکج کے تحت 10لاکھ ریپڈ ٹیسٹ کٹس پاکستان کے حوالے کی گئی ، جس پر معاون خصوصی ڈاکٹر فیصل سلطان نے یو ایس ایڈ کی طرف سے ریپڈ ٹیسٹ مہیا کرنے پر شکریہ ادا کرتے ہوئے کہا امداد دونوں ملکوں میں دوستانہ تعلقات،دو طرفہ تعاون کی عکاسی کرتی ہے۔
یو ایس ایڈمشن ڈائریکٹر جولی کوئنن کا کہنا تھا کہ ٹیسٹ سرویلنس، تشخیص کے ذریعے پھیلاؤ روکنے میں معاون ہوں گے ، امداد صحت نظام کی مضبوطی میں معاون ثابت ہورہی ہے۔
Encouraged to see the one million donated rapid test kits from the U.S. arrive in #Pakistan. @USAGov has a long-standing health partnerships here, and we will continue to work closely with our Pakistani partners to end this pandemic. #COVID19 #EnduringPartnership #USAID pic.twitter.com/3ICcW1kDzu
— USAID Pakistan (@USAID_Pakistan) August 6, 2021
جولی کوئنن نے مزید کہا کہ عوامی صحت بہتر ،ہیلتھ ورکرز کے تحفظ اور سہولتیں فراہم کرنےمیں بھی مددملتی ہے، کورونا امداد پیکج کے تحت200وینٹی لیٹرز ،4کروڑڈالر سے زائد رقم مختص ہے، امداد کےذریعے علاج کی سہولتوں،کورونا سےنمٹنےکیلئےاقدامات کئےگئے ہیں۔
اس سے قبل امریکا نے پاکستان کو کرونا وائرس سے بچاؤ کے لیے موڈرنا ویکسین کی 25 لاکھ خوراکیں دینے کا اعلان کیا تھا جبکہ وینٹی لیٹر بھی فراہم کر چکا ہے۔
