امریکی چیئرمین جوائنٹ چیفس آف اسٹاف جنرل مارک ملی کورونا وائرس میں مبتلا ہو گئے۔
خبر رساں ادارے کے مطابق امریکی چیئرمین جوائنٹ چیفس آف اسٹاف کے ترجمان نے تصدیق کرتے ہوئے بتایا ہے کہ جنرل مارک ملی کا کورونا ٹیسٹ مثبت آیاہے۔
ترجمان نے بتایا کہ جنرل مارک ملی نے کورونا کی معمولی علامات ظاہر ہونے پر ٹیسٹ کروایا جس کا نتیجہ مثبت آیا تاہم وہ کورونا کی معمولی علامات کے ساتھ امور انجام دیتے رہیں گے۔
ترجمان نے کہا کہ جنرل مارک ملی کا صدر جو بائیڈن کے ساتھ تازہ ترین رابطہ 12 جنوری کو ریٹائرڈ جنرل ریمنڈ اوڈیرنو کی آخری رسومات کے موقع پر ہوا تھا۔
ترجمان نے واضح کیا کہ مارک ملی نے صدر سے رابطے کے بعد بھی کورونا منفی تھے اور گزشتہ روز بھی ان کا ٹیسٹ منفی تھا۔ جنرل ملی مکمل ویکسینیٹڈ ہیں اور انہوں نے بوسٹر ڈوز بھی لگوا رکھی ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں