امریکا نے چینی مصنوعات پر مزید 16 ارب کے اضافی درآمدی محصولات عائد کردیں chinese goods
The news is by your side.

Advertisement

امریکا نے چینی مصنوعات پر مزید 16 ارب کے اضافی درآمدی محصولات عائد کردئیے

واشنگٹن: امریکا نے چینی مصنوعات پر مزید 16 ارب کے اضافی درآمدی محصولات عائد کردئیے۔

غیر ملکی خبررساں ادارے کے مطابق ٹرمپ انتظامیہ نے چین کی مزید 279 مصنوعات پر اضافی درآمدی ٹیکس عائد کردئیے ہیں، یہ اضافی ٹیکس ان محصولات کے علاوہ ہوگا جو پہلے ہی چین پر عائد کئے جاچکے ہیں۔

امریکا کی طرف سے 16 ارب کے اضافی ٹیکس عائد کرنے کے بعد چین نے ایک مرتبہ پھر کہا ہے کہ ایک ڈالر اضافی ٹیکس کا جواب ڈالر میں ہی دیا جائے گا۔

چین اور امریکا کی طرف سے ایک دوسرے کی مصنوعات پر اضافی درآمدی مصنوعات عائد کرنے کے باعث عالمی سطح پر ایک تجارتی جنگ شروع ہونے کا خدشہ پیدا ہوچکا ہے، دونوں ممالک ایک دوسرے کو دھمکی دینے کا سلسلہ جاری رکھے ہوئے ہیں۔

مزید پڑھیں: تجارتی جنگ، چین نے امریکی مصنوعات پر اضافی محصولات عائد کردیے

وائٹ ہاؤس کے مشیر برائے اقتصادیات نے بھی واضح کرتے ہوئے کہا ہے کہ چین امریکی صدر کے ارادوں کو کمزور نہ سمجھے، وہ اپنی تجارتی پالیسیوں پر عمل پیرا رہیں گے۔

امریکا کی جانب سے جاری بیان کے مطابق امریکی ٹیکنالوجی چوری کرنے اور اسے استعمال کرنے کی وجہ سے چینی مصنوعات پر اضافی درآمدی محصولات عائد کیے گئے ہیں، ان مصنوعات میں موٹر سائیکل، ٹریکٹر، ریلوے کے پرزہ جات، الیکٹرانک سرکٹ، موٹریں اور کھیتی باڑی کا سامان شامل ہے۔

دنیا کی دو بڑی معیشتوں کے مابین اس جنگ میں کسان اور امریکی کمپنیاں پھنس کر رہ گئے ہیں، امریکی حکومت نے متاثرہ کسانوں کے لیے بارہ بلین کے امدادی پیکیج کا اعلان بھی کیا ہے۔

Comments

comments

یہ بھی پڑھیں