واشنگٹن : امریکہ نے دشمن کے میزائل کو فضا میں تباہ کرنے والے دفاعی نظام کا کامیاب تجربہ کیا ہے۔
پینٹاگون کے ترجمان کا کہنا ہے کہ امریکا نے میزائل کوفضا میں تباہ کرنےوالےدفاعی نظام کاتجربہ کیا ہے، یہ دفاعی میزائل مارشل آئی لینڈ سے داغا گیا۔
پینٹاگون کے مطابق جدید ترین دفاعی نظام میں انٹرسیپٹرانتہائی اہمیت کے حامل ہیں، اس کے ذریعے بین البراعظمی بیلسٹک میزائل حملے کا دفاع کیا جاسکتا ہے، اس تجربے کے بعد امریکا کو حقیقی خطرے سے نمٹنے کی صلاحیت حاصل ہوگئی ہے۔
امریکی فوج کے ایک بیان میں کہا گیا ہےکہ شمالی کوریا کی جانب سے وارننگ کے باوجود مسلسل میزائل تجربات کے بعد جدید دفاعی نظام کا کامیاب تجربہ کرلیا گیا ہے۔
امریکی میزائل ڈیفنس ایجنسی کے ڈائریکٹر وائس ایڈمرل جم سیرنگ کا کہنا ہے کہ جدید ترین دفاعی نظام امریکی کی سلامتی اوردفاع کے لیے بڑی اہمیت رکھتا ہے۔
پیر کو کیے گئے اس تجربے کے بارے میں امریکہ کی پیسیفک کمانڈ کا کہنا تھا کہ شمالی کوریا کی طرف سے داغا گیا میزائل ایک درمیانے فاصلے تک مار کرنے والا میزائل تھا جو چھ منٹ کے بعد بحیرہ جاپان میں جا گرا تھا۔
یاد رہے منگل کو ہی شمالی کوریا نے اعلان کیا تھا کہ اس کا تازہ بیلسٹک تجربہ کامیاب رہا ہے۔