متحدہ عرب امارات آج اپنا 47 واں قومی دن منارہا ہے -
The news is by your side.

Advertisement

متحدہ عرب امارات آج اپنا 47 واں قومی دن منارہا ہے

متحدہ عرب امارات میں آج 47 واں قومی دن منایا جارہا ہے ، اس موقع پر دو دن کی چھٹی کا اعلان کیا گیا ہے جبکہ اس سے قبل ہفتہ وار تعطیل کے سبب چار روز کی چھٹی منار ہے ہیں۔

تفصیلات کے مطابق یہ دن متحدہ عرب امارات کی سات ریاستوں کے اتحاد کے دن کی علامت کے طور پر منایا جاتا ہے، اس سے قبل یہ ریاستیں ساحلِ متصالح کی ریاستیں کہلاتی ہیں۔

متحدہ عرب امارات کل سات ریاستوں کا مجموعہ ہے جن میں ابو ظہبی ، عجمان، دبئی، فجیرہ، راس الخیمہ، شارجہ اور ام القوین شامل ہیں۔ ان ریاستوں نے 2 دسمبر 1971 کو برطانیہ سے آزادی حاصل کرتے ہوئے ایک مشترکہ ریاست تشکیل دی تھی جسے آئینی ملوکیت کے نظام کے تحت چلایا جارہا ہے، ابو ظہبی اس ریاست کا دارالحکومت ہے۔

یہ ملک تیل اورقدرتی گیس کی دولت سے مالامال ہے اور، سنہ 1970 میں غیر ملکی سرمایہ کاری کی مدد سے یہاں سے تیل کی پیداوار شرو ع ہوئی ، جس کی بدولت متحدہ عرب امارات کا شمارجلد ہی نہایت امیر ریاستوں میں ہونے لگا۔متحدہ عرب امارات کی سرحدیں سلطنت عُمان اور سعودی عرب سے ملتی ہیں اور یہ تینوں ہی تیل کی دولت سے مالا مال ممالک ہیں۔

متحدہ عرب امارات مشرق وسطیٰ میں سیاحت کا بہت بڑا مرکز ہے اوراب وہاں کے حکمران اسے تیل پر مبنی معیشت سے ہٹا کر سیاحت سمیت دیگر شعبوں میں مہارت کی حامل ریاست بنانے کے لیے کوشاں ہیں۔ انسانی فلاح و بہبود کے جدول میں ایشیا کے بہت بہتر ملکوں میں سے ایک ہے ، عالمی رینکنگ میں ا سکا نمبر 39 واں ہے۔

یو اے ای کے عالمی دن کے موقع پر یہاں کی عوام کی جانب سے جوش و خروش کے ساتھ جشن کا اہتمام کیا جاتا ہے اور اس موقع پر دنیا بھر سے سیاح بھی اس ایونٹ میں شرکت کے لیے آتے ہیں۔ ریاست کی جانب سے اس موقع پر دو دن کی چھٹی دی جاتی ہے جبکہ اس بار یہ ایونٹ ویک اینڈ کے ساتھ آیا ہے تو عوام چار دن کی یکمشت چھٹیوں سے لطف اندوز ہورہے ہیں۔

آج کی رات چار مرکزی مقامات پر عظیم الشان آتش بازی کا اہتمام کیا جائے گا جن میں لا میر،ساحلِ سمندر، دبئی فیسٹیول سٹی مال اور السیف شامل ہیں۔ شہری مختلف اوقات کار یہاں فائر ورکس کے نظارے کرسکیں گے۔

Comments

comments

یہ بھی پڑھیں