The news is by your side.

ابوظہبی میں مقیم کارمالکان کے لیے اچھی خبر

ابوظہبی: انتظامیہ نے متروکہ گاڑیوں کی مرمت کی مہلت میں تیس دن کی توسیع کرتے ہوئے جرمانے میں پچاس فیصد کمی کا اعلان کردیا۔

تفصیلات کے مطابق ابوظہبی کی میونسپلٹی نے اعلان کیا ہے کہ متروکہ گاڑیوں کے مالکان ایک ماہ کے اندراندر ان کی مرمت کرالیں، ا س سے قبل یہ مہلت سات دن کے لیے تھی ۔

میونسپلٹی نے اپنے آفیشل ٹویٹر اکاؤنٹ پر یہ آفر ٹویٹ کی ہے اور ان کا کہنا ہے کہ اس فیصلے کا مقصد لوگوں کی مدد کرکے ان کے اطمینان اور خوشی کی شرح میں اضافہ کرنا ہے۔

یاد رہے کہ رواں سال ستمبر میں ابو ظہبی کے حکام نے 242 گاڑیاں ضبط کرلی تھیں۔ یہ گاڑیاں مصفح اور اس کے ارد گرد کے علاقے سے اٹھائی گئیں تھیں۔ ان گاڑیوں کے بارے میں خیال تھا کہ ان کے مالکان اب انہیں ترک کرچکے ہیں۔

حکام کا کہنا تھا کہ گاڑیوں کو معائنہ کمپئین کے نتیجے میں ضبط کیا گیا تھا جس کا مقصد شہر کی بد نمائی میں اضافہ کرنے والی اشیا کا سدباب تھا۔

یاد رہے کہ ابوظبی پولیس میں ’ہیپی نیس پٹرول‘ کےنام سے قائم ایک ڈیپارٹمنٹ ہے جس کا مقصد شہریوں کو ٹریفک قوانین کی پابندی پر انعامات سے نوازنا ہے۔ یہ ادارہ اکتوبر 2016 سے سڑکوں پر ڈرائیورز کے رویے کی جانچ پڑتال کررہا ہے، اور اب قانون کی پاسداری کرنے والوں کو تحسین کی اسناد پیش کی جارہی ہیں، روزانہ 15 سے 20 ڈرائیوروں کو یہ انعام پیش کیے جاتے ہیں۔

Comments

یہ بھی پڑھیں