The news is by your side.

عرب امارات کی جانب سے 13 ارب درہم کی امداد

ابو ظہبی: متحدہ عرب امارات نے گزشتہ ڈیڑھ سال کے دوران مختلف ممالک کو 13 ارب درہم کی امداد فراہم کی ہے۔

بین الاقوامی ویب سائٹ کے مطابق متحدہ عرب امارات کی وزارت خارجہ اور بین الاقوامی تعاون نے کہا ہے کہ 2021 کے آغاز سے اگست 2022 کے وسط تک امارات کی طرف سے مجموعی طور پر 13 ارب درہم یا 3.5 بلین ڈالر غیر ملکی امداد فراہم کی گئی ہے۔

وزارت خارجہ کا کہنا ہے کہ غیر ملکی امداد میں سے یمن کو 1.160 ارب درہم فراہم کیے گئے، اس فہرست میں کئی عرب، ایشیائی اور مغربی ممالک شامل ہیں۔

پبلک اور ہیلتھ سیکٹر، سماجی خدمات اور تعلیم سمیت مختلف شعبوں اور پروگراموں کے لیے امارات نے امداد دی ہے۔

امن و سلامتی سپورٹ پروگراموں کو 273 ملین درہم، پانی اور صحت عامہ کی خدمات کے شعبوں کو 268 ملین درہم امداد دی گئی۔

صحت کے شعبے کو 2.565 ارب درہم، مختلف اشیا کی فراہمی کے پروگراموں کے لیے 1.989 ارب درہم، سماجی خدمات کے لیے 1.314 ارب درہم اور تعلیم کے شعبے میں پروگراموں کو 547 ملین درہم جبکہ ٹرانسپورٹ اور اسٹوریج کے شعبوں کو 414 ملین درہم کی امداد فراہم کی گئی۔

یاد رہے کہ متحدہ عرب امارات علاقائی اور عالمی امن اور خوشحالی کو فروغ دینے کے لیے دنیا بھر میں انسانی ہمدردی کی بنیاد پر ترقیاتی اور پائیدار انسانی امداد فراہم کرنے کا سلسلہ جاری رکھے ہوئے ہے۔

Comments

یہ بھی پڑھیں