اماراتی ایئر لائن نے نشہ کرنے کے سبب پائلٹ کو نوکری سے نکال دیا -
The news is by your side.

Advertisement

اماراتی ایئر لائن نے نشہ کرنے کے سبب پائلٹ کو نوکری سے نکال دیا

دبئی : متحدہ عرب امارات کی ایئر لائن نے پرواز سے قبل نشے میں ہونے کی بنا پر پائلٹ سے معاہدہ منسوخ کردیا، واقعے کے سبب فلائٹٹ بھی دس گھنٹے تاخیر کا شکار ہوئی۔

تفصیلات کے مطابق متحدہ عرب امارات کی ایئر لائن فلائی دبئی کا پائلٹ پرواز سے قبل نشے کی حالت میں پایا گیا، ایئر لائن کے ترجمان نے تصدیق کی کہ مذکورہ پائلٹ کےساتھ معاہد ہ ختم کردیا گیا ہے۔

بتایا جارہا ہے کہ پائلٹ نے29 جولائی کو فلائٹ نمبر ایف زیڈ 8018 کھٹمنڈو سے دبئی میں اپنے فرائض انجام دے رہے تھے ، پائلٹ کے ایک کولیگ نے شبہ ظاہر کیا کہ مذکورہ پائلٹ نشے میں ہے، جس کی بنا پر ان کا ٹیسٹ کیا گیا۔

ٹیسٹ کے نتیجے کے مطابق پائلٹ کے خون میں نشہ آور مادہ عالمی سطح پر تسلیم شدہ حد سے زیادہ پایا گیا ، جس کے سبب پرواز دس گھنٹے تاخیر کا شکار ہوئی ، تاخیر کے سبب ایئر لائن کو مالی نقصان بھی بھرنا پڑا اور اس کے مسافروں کو بھی پریشانی کا سامنا کرنا پڑا۔

فلائی دبئی کی جانب سے تصدیق کردی گئی ہے کہ مذکورہ پائلٹ کو نشے میں ہونے کے سبب نوکری سے برخاست کردیا گیا ہے کہ اس کی وجہ سے مسافروں کی زندگی خطرے میں پڑسکتی تھی۔ ایئر لائن نے خلیجی خبررساں ادارے کو جاری کردہ اپنے بیان میں کہا ہے کہ ادارے کے لیے اس کے مسافروں کی سلامتی ہر شے پر مقدم ہے جس پر کسی قسم کا سمجھوتا نہیں کیا جاسکتا۔

Comments

comments

یہ بھی پڑھیں