تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

عرب امارات: خود ساختہ طور پر اشیا مہنگی کرنے پر لاکھوں درہم جرمانہ

ابو ظہبی: متحدہ عرب امارات میں حکام نے انتباہ کیا ہے کہ پولٹری مصنوعات کی قیمتوں میں اضافہ کرنے پر 2 لاکھ درم تک جرمانہ ہوسکتا ہے۔

اردو نیوز کے مطابق متحدہ عرب امارات کی وزارت اقتصاد نے پولٹری مصنوعات کے نرخ نامے کی پابندی نہ کرنے والے تاجروں اور درآمد کنندگان کے خلاف سخت کارروائی کا انتباہ کیا ہے۔

انڈوں اور مرغیوں کے نرخوں میں اضافے پر کم از کم 10 ہزار درہم کا جرمانہ عائد کیا جائے گا۔

وزارت اقتصاد نے اپنے بیان میں کہا کہ نرخ ناموں کی دوبارہ خلاف ورزی پر جرمانہ 2 لاکھ درہم تک کیا جاسکتا ہے، وزارت خلاف ورزیوں اور جرمانوں کی تفصیلات میڈیا کے ذریعے جاری کرے گی۔

وزارت کا کہنا ہے کہ پورے ملک میں انڈوں اور مرغیوں کے نرخ نامے کی پابندی کروانے کے لیے تفتیشی مہم چلائی جائے گی، رمضان کے دوران اور عید کے بعد 300 تفتیشی کارروائیوں کا پروگرام ہے۔

وزارت کےم طابق تجارتی مراکز، کوآپریٹو سوسائٹیوں، مرغیوں اور انڈوں کے ڈیلروں اور پرچون کی دکانوں پر چھاپے مارے جاچکے ہیں۔

درآمد کنندگان اور ریٹیل کے تاجروں سے کہا گیا ہے کہ وہ پولٹری مصنوعات مقررہ نرخ سے زیادہ پر فروخت نہ کریں، 13 فیصد اضافے کی اجازت ہے تاہم اس سے زیادہ نرخ نہیں بڑھا سکتے اور اس کی خلاف ورزی پر جرمانہ ہوگا۔

Comments

- Advertisement -