تازہ ترین

یو اے ای: مشرقی ملائیشیا سے درآمد ہونے والے پرندوں اور انڈوں پر پابندی عائد

دبئی: متحدہ عرب امارات میں رہنے والے شہریوں کی صحت کو یقینی بنانے کے لیے مشرقی ملائیشیا سے پرندوں اور انڈوں کی درآمد پر عارضی طور پر پابندی عائد کردی گئی ہے۔

تفصیلات کے مطابق یہ فیصلہ متحدہ عرب امارات کی وزارت برائے ماحولیات کی جانب سے ایچ ایس این 1 نامی خطرناک وائرس اور بخار کو ملک میں داخل ہونے اور شہریوں میں پھیلنے سے روکنے کے لیے کیا گیا ہے۔

وزارت ماحولیات کا کہنا تھا کہ ’’اس فیصلے سے ظاہر ہوتا ہے کہ ہم اپنے شہریوں کی صحت اور انہیں صحت بخش غذا اور ماحول کی فراہمی کے سلسلے میں مستعد ہیں اور بائیو سیفٹی کو یقینی بنانے کے لیے تمام تر اقدامات کریں گے اور وائرس کو ملک میں داخل ہونے سے پہلے ہی روک لیں گے‘‘۔

مشرقی ملائیشیا سے درآمد ہونے والے پرندوں اور انڈوں کو ورلڈ ہیلتھ آرگنائزیشن کی جانب سے ایچ ایس این 1 نامی وائرس کی روک تھام کے لیے پابندی کی فہرست میں شامل گیا ہے۔

غیر ملکی خبر رساں ادارے کا کہنا تھا کہ عالمی ادارہ صحت کی جانب سے 6 اگست کو خبردار کیا تھا کہ مشرقی ملائیشیا سے درآمد ہونے والی پولٹری اشیاء (پرندوں اور انڈوں) میں برڈ فلو کا وبائی مرض بہت زیادہ پھیلا ہوا ہے۔

غیر ملکی خبر رساں اداروں کا کہنا تھا کہ ملائیشیا کے دیگر حصّوں سے درآمد ہونے والا پولٹری مصنوعات کا گوشت تھرمل ٹریٹمنٹ کے ذریعے صفائی کے بعد متحدہ عرب امارات میں درآمد کیا جاتا ہے۔


یو اے ای نے بھارت سے فروٹ اور سبزیوں کی درآمد پر پابندی لگادی


خیال رہے کہ متحدہ عرب امارات کی وزارت ماحولیات رواں برس مئی میں شہریوں کی صحت کو یقینی بنانے کے لیے بھارتی شہر کیرالہ سے تازہ پھلوں اور سبزیوں کی امپورٹ پر بھی پابندی عائد کرچکی ہے، جبکہ جنوبی افریقہ سے زندہ جانوروں کی درآمد بھی بند کردی گئی تھی۔

Comments

- Advertisement -