The news is by your side.

Advertisement

یواے ای: تاریخی عجائب گھر کی سالگرہ، مرکزی بینک کا اہم اعلان

دبئی: عجمان عجائب گھر کی تیسویں سالگرہ کے موقع پر متحدہ عرب امارات کے مرکزی بینک نے اہم اعلان کیا ہے۔

میڈیا رپورٹ کے مطابق متحدہ عرب امارات کا مرکزی بینک خصوصی طور پر ایک ہزار چاندی کے سکے جاری کرے گا، یہ اعزازی سکے عجمان عجائب گھر کی تیسویں سالگرہ کے موقع پر جاری کئے جائیں گے۔

عجمان ٹورزم ڈوپلمنٹ ڈیپارٹمنٹ کے تعاون سے جاری یہ سکے عجمان کے حکمران حمید بن راشدالنیامی کے کردار اور عجمان کے ورثے کے لئے ان کی کاوشوں کو نمایاں کرے گا۔مرکزی بینک کے مطابق چالیس گرام وزن کے ایک ہزار چاندی کے سکے جاری کئے جائیں گے، سکے کے سامنے رخ پر شیخ حمید کی تصویر کو عربی اور انگریزی ناموں کے ساتھ پیش کیا جائے گا،جس پر ہجری اور عیسویں تاریخیں بھی درج ہونگی جبکہ دوسرے رخ پر عربی اور انگریزی میں متحدہ عرب امارات کے میوزیم اور مرکزی بینک دونوں کے ناموں کے ساتھ عجمان میوزیم کی ایک ڈارئنگ پر مشتمل ہوگی۔

جاری تمام سلور کے سکے عجمان ٹورزم ڈوپلمنٹ کے حوالے کئے جائیں گے اور مرکزی بینک یا ہیڈ کوارٹر یا شاخوں میں فروخت کے لئے دستیاب نہیں ہونگے۔

محکمہ سیاحت کی جانب سے متحدہ عرب امارات کے ورثے کا جشن بھی منایا جائے گا۔

واضح رہے کہ عجمان عجائب گھر ملک کی قیمتی تاریخ کو ظاہر کرنےوالے فنکاروں کے ساتھ قیمتی امیراتی خزانے میں سے ایک ہے۔

Comments

یہ بھی پڑھیں