The news is by your side.

Advertisement

امارات میں کرونا کے نئے کیسز میں نمایاں کمی آ گئی

ابوظبی: متحدہ عرب امارات میں کرونا کیسز میں نمایاں کمی آگئی ہے، گزشتہ چوبیس گھنٹوں کے دوران امارات میں صرف 104 کیسز رپورٹ ہوئے۔

تفصیلات کے مطابق امارات میں کرونا کے نئے کیسز میں مسلسل کمی ہو رہی ہے، جمعہ 15 اکتوبر کو پچھلے چوبیس گھنٹے کے دوران کرونا کے مزید ایک سو چار مریضوں کی تصدیق ہوئی ہے۔

وزارت صحت کا کہنا ہے کہ امارات میں کرونا وائرس کے مجموعی متاثرین کی تعداد بڑھ کر 7 لاکھ 38 ہزار 372 ہوگئی ہے۔

وزارت صحت کے مطابق ملک میں پچھلے چوبیس گھنٹوں کے دوران جدید تشخیصی آلات کی مدد سے کرونا کے مزید 3 لاکھ 34 ہزار 150 ٹیسٹ کیے گئے۔

وبا سے متاثرہ مریضوں میں سے مزید 179 مکمل صحت یاب ہوگئے ہیں، صحت یاب ہونے والوں کی تعداد بڑھ کر 7 لاکھ 31 ہزار 984 ہوگئی۔

وزارت صحت کے مطابق پچھلے چوبیس گھنٹوں کے دوران زیر علاج مریضوں میں سے مزید ایک مریض چل بسا، جس سے مرنے والوں کی تعداد دو ہزار 118 ہوگئی ہے۔

وزارت نے عوام کو احتیاطی تدابیر اور سماجی فاصلے کی پابندی جاری رکھنے کی پھر ہدایت کی ہے۔

امارات میں پچھلے چوبیس گھنٹوں میں کرونا ویکسین کی مزید 31 ہزار 708 ڈوز دی گئی ہیں، جب کہ اب تک مجموعی طور پر ویکسین کی 2 کروڑ 6 لاکھ 45 ہزار 11 ڈوز دی جاچکی ہیں۔

Comments

یہ بھی پڑھیں