The news is by your side.

Advertisement

متحدہ عرب امارات سے پاکستان میں سرمایہ کاری کے حوالے سے اچھی خبر

کراچی : متحدہ عرب امارات نے پاکستان میں ترقیاتی منصوبوں میں سرمایہ کاری کیلئے گہری دلچسپی کا اظہار کردیا ، وفاقی وزیر سے ملاقات میں پاکستانی بندرگاہوں کے ترقیاتی منصوبے گفتگو کا محور رہے۔

تفصیلات کے مطابق وفاقی وزیربحری امورعلی زیدی سے متحدہ عرب امارات کے وفد کی ملاقات ہوئی ، ملاقات میں چیئرمین سی پیک اتھارٹی لیفٹیننٹ جنرل(ر) عاصم سلیم باجوہ بھی شریک ہوئے۔

وفدمیں محمدالمعلم،سی ای اوڈی پی ورلڈاوروائس پریزیڈنٹ گورنمنٹ افیئرز ، سیکریٹری میری ٹائم افیئرز رضوان احمداورچیئرمین پورٹ قاسم نے بھی شرکت کی، پاکستانی بندرگاہوں کے ترقیاتی منصوبے گفتگو کا محور رہے۔

ملاقات میں دبئی گروپ کی پاکستان میں سرمایہ کاری اور پاکستانی بندرگاہوں کےترقیاتی منصوبےپر تفصیلی گفتگو ہوئی، وفد نے پاکستان میں ترقیاتی منصوبوں میں سرمایہ کاری میں گہری دلچسپی کا اظہار کیا۔

وفاقی وزیر سمندری امور اور متحدہ عرب امارات کے وفد کے درمیان ملاقات میں بندرگاہوں سے متعلق باہمی تعاون کے منصوبوں پر بھی بات چیت ہوئی۔

Comments

یہ بھی پڑھیں