The news is by your side.

Advertisement

اماراتی ہلال احمرکی جانب سے یمنی شہریوں میں غذا تقسیم

ابوظہبی : ہلال احمر متحدہ عرب امارات کی جانب سے شیخ خلیفہ بن زاید النہیان کے حکم پر یمن کے جنگ زدہ علاقوں میں راشن کے 1 ہزار پیکٹس تقسیم کیے گئے ہیں۔

تفصیلات کے مطابق متحدہ عرب امارات کے حکمرانوں اور عوام کی جانب سے جنگ کے باعث یمن میں پیدا ہونے والی غذائی قلت کو مد نظر رکھتے ہوئے کھانے  کے 1 ہزار پیکٹ امداد میں دیئے گئے ہیں۔

غیر ملکی خبر رساں ادارے کا کہنا تھا کہ متحدہ عرب امارات کے صدر شیخ خلیفہ بن زاید النہیان کے حکم پر راشن  یمنی شہریوں میں تقسیم کی گئی ہیں۔

عرب میڈیا نے بتایا کہ شیخ خلیفہ بن زاید النہیان کی جانب سے اماراتی ہلال احمر نے یمن کے ضلع المظفر میں پیکٹس تقسیم کیے گئے ہیں، جو ایئر آف زاید منصوبوں کا حصّہ ہے۔

ہلال احمر متحدہ عرب امارات کے ترجمان ایہاب الڈابلی کا کہنا تھا کہ یمنی صوبے تیز میں انسانیت کی بنیاد پر امداد فراہم کی گئی ہے، تاکہ رمضان المبارک میں یمنی عوام صحیح سے زندگی گزار سکیں۔

یاد رہے کہ یمن میں گذشتہ کئی برس سے یمن کے حوثی باغیوں اورحکومتی افواج کے درمیان جنگ جاری ہے جس کے باعث شہریوں کو غذائی قلت کا شامنا کرنا پڑرہا ہے.

خیال رہے کہ یمن میں حوثی باغیوں کے خلاف حکومتی افواج کے ساتھ ساتھ سعودی اتحادی افواج بھی حوثیوں کے خلاف برسرپیکار ہے جس میں متحدہ عرب امارات کی مسلح افواج بھی شامل ہیں.


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں