The news is by your side.

Advertisement

امارات میں ڈرون اڑانے والے خبردار

ابوظبی: متحدہ عرب امارات کی وزارت داخلہ نے تفریحی مقاصد کے لیے استعمال ہونے والے تمام نجی ڈرونز اور ہلکے اسپورٹس ڈرونز اڑانے پر عائد پابندی میں توسیع کردی۔

عرب میڈیا کے مطابق وزارت داخلہ نے بیان میں کہا کہ وزارت داخلہ اور محکمہ شہری ہوا بازی کی ہدایات کی پابندی کی جائے، یہ سلامتی اور املاک کی حفاظت کے لیے ضروری ہے۔

وزارت داخلہ نے انتباہ کیا کہ جو شخص بھی پابندی کو نظر انداز کرے گا اور ڈرونز استعمال کرے گا اس کا محاسبہ کیا جائے گا، کم از کم سزا چھ ماہ قید اور زیادہ سے زیادہ پانچ برس تک ہے۔

وزارت داخلہ نے کہا کہ وہ کمپنیاں اور ادارے جن کے کام کا انحصار ڈرونز کے استعمال پر ہے اور وہ تجارتی اسکیموں میں ڈرونز استعمال کررہے ہوں یا ان کے پاس ڈرونز کے معاہدے ہوں انہیں پابندی سے استثنی حاصل کرنے اور اپنی اسکیموں اور سرگرمیوں کے لیے لائسنس حاصل کرنا ہوں گے، یہ استثنی محکمہ شہری ہوابازی سے رابطہ کرکے حاصل کیا جائے گا۔

علاوہ ازیں کم از کم ایک لاکھ درہم جرمانہ بھی ہوگا اور دونوں سزاؤں میں سے کسی ایک پر بھی اکتفا کیا جاسکتا ہے۔

واضح رہےکہ امارات پرحوثی ملیشیا کے ڈرون حملوں کے بعد جنوری میں ڈرون اڑانے پر پابندی عائد کی گئی تھی۔

Comments

یہ بھی پڑھیں