The news is by your side.

Advertisement

متحدہ عرب امارات نے فائیو جی ٹیکنالوجی میں اہم سنگ میل عبور کرلیا

دبئی : گلوبل کنیکٹیوٹی انڈیکس کی تازہ رپورٹ میں بتایا گیا ہے کہ متحدہ عرب امارات خلیجی ممالک کا پہلا اور دنیا کا چوتھا ملک ہے جس نے 5 جی نیٹ ورک سروس متعارف کرادی۔

رپورٹ میں بتایا گیا ہے کہ کنیکٹیوٹی ریٹنگ کے حساب سے بین الاقوامی انڈیکس میں متحدہ عرب امارات کا نمبر تیسرا ہے، جہاں انفراسٹریکچر، معلومات، ٹیکنالوجی اور سماجی نیٹ ورک بہت مضبوط ہے۔

متحدہ عرب امارات کی ٹیلی کمیونیکشن ریگولیٹری اتھارٹی (ٹی آر اے) کی جانب سے شائع ہونے ولای رپورٹ میں بتایا گیا ہے کہ مملکت نے یہ کامیابی ٹیلی کمیونیکشن سیکٹر میں بہترین سہولیات فراہم کرنے کی وجہ سے حاصل کی جس کی وجہ سے آج ملک میں 5 جی ٹیکنالوجی متعارف کرائی گئی۔

مزید پڑھیں: فائیو جی انٹرنیٹ کی دنگ کردینے والی رفتار سامنے آگئی

رپورٹ کے مطابق ٹی آر اے نے گزشتہ چند سالوں میں ٹیلی کام سیکٹر سمیت دیگر شعبوں کے ساتھ مل کر کام کیا اور متحدہ عرب امارات کو کامیابی دلوانے میں اہم کردار ادا کیا۔

تقریب سے خطاب کرتے ہوئے حماد عبید المنصوری کا کہنا تھا کہ ’’متحدہ عرب امارات روزانہ کی بنیاد پر مستحکم پوزیشن اور کامیابیاں حاصل کرنے لگا، اس کا سہرا ہماری قیادت کو جاتا ہے‘‘۔

وام نیوز ایجنسی کی رپورٹ کے مطابق چند روز قبل 2019 کی عالمی رینکنگ میں خلیجی ممالک میں متحدہ عرب امارات کا شمار ٹیکنالوجی کے لحاظ سے پہلے اور بین الاقوامی سطح پر 12 نمبر پر تھا۔

Comments

comments

یہ بھی پڑھیں