قطرکے بحران پر صدر ٹرمپ نے ہماری تائید کی، یو اے ای وزیر خارجہ -
The news is by your side.

Advertisement

قطرکے بحران پر صدر ٹرمپ نے ہماری تائید کی، یو اے ای وزیر خارجہ

دبئی : متحدہ عرب امارات کے وزیرخارجہ نے کہا ہے امریکا نے قطر کے معاملے پر عرب دنیا کی حمایت کر دی، امریکی صدر نے اپنے ٹوئٹ میں وہی کہا جو یورپ۔ امریکا اور عرب کے سیاستدان بند کمروں میں کہہ رہے ہیں۔

تفصیلات کے مطابق یو اے ای کے وزیر خارجہ ڈاکٹر انور قرقاش نے اے آروائی نیوز کو خصوصی انٹرویو دیتے ہوئے کہا کہ ٹرمپ کا قطر کے بحران پر ٹوئٹ واضح ہے، صدر ٹرمپ نے ہمارے مؤقف کی حمایت کی، دہشتگردوں کی حمایت کرنےوالوں کو بےنقاب کرناچاہیئے۔

یو اے ای کے وزیر خارجہ نے کہا کہ دنیا کو معلوم ہونا چاہیے انتہا پسندی اور دہشتگردی کی حمایت کون کر رہا ہے، انتہا پسندی اور دہشتگردی کا آپس میں تعلق ہے، مسلم دنیا میں عسکریت پسندی اور انتہا پسندی کیخلاف اقدامات ضروری ہیں۔

ڈاکٹر انور قرقاش نے کہا دہشتگردوں کی حمایت کرنےوالوں کو بے نقاب کرنا چاہیئے، انتہا پسندی اور دہشتگردی کے معاملے پرمتحدہ عرب امارات کی پالیسی عدم برداشت ہے۔


مزید پڑھیں :  میرے سعودی عرب کےدورے کی وجہ سےقطرپردباؤ ڈالا جا رہا ہے، ٹرمپ


یاد رہے کہ امریکی صدر ڈونلڈ ٹرمپ نے سعودی عرب کے بادشاہ شاہ سلمان پر زور دیا ہے کہ قطر پر شدت پسندوں کی حمایت کے الزام کی وجہ سے پیدا ہونے والے تنازعے پر خلیجی ممالک میں یکجہتی پیدا کرے۔

تاہم اس سے قبل امریکی صدر نے کہا تھا کہ سعودی عرب کی جانب سے قطر کو تنہا کرنے کا اقدام ‘دہشت گردی کے خاتمے کا آغاز’ ہو سکتا ہے۔

خیال رہے کہ متحدہ عرب امارات ان چھ ممالک میں شامل ہے، جنھوں نے قطر پر دہشتگردی کی سرپرستی کے الزام عائد کرتے ہوئے اس سے سفارتی تعلقات منقطع کرنے کا اعلان کیا تھا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Comments

comments

یہ بھی پڑھیں