The news is by your side.

Advertisement

متحدہ عرب امارات حکومت کا بے روزگار غیر ملکیوں کے لئے بڑا اعلان

ابو ظہبی:متحدہ عرب امارات کی حکومت نے کرونا وائرس کے باعث بے روزگار ہونے والے غیر ملکیوں کے لیے بڑا اعلان کر دیا۔

تفصیلات کے مطابق متحدہ عرب امارات کی حکومت نے کرونا وائرس کی وجہ سے ملازمتوں سے محروم ہونے والے افراد کے لیے 19 شعبوں میں ہنگامی اسامیوں کے اشتہارات دیے ہیں۔

متحدہ عرب امارات میں آن لائن مارکیٹ کو مطلوب ملازمین کی تفصیلات ویب سائٹ پر جاری کی گئی ہے جس کے مطابق 19 شعبوں میں بیشتر ایسے شعبے ہیں جن میں غیر ملکیوں کی خدمات درکار ہیں۔

ویب سائٹ پر جاری تفصیلات کے مطابق ان میں کچھ اسامیاں وہ ہیں جنہیں مستقل ملازم درکار ہیں اور کچھ ایسی ہیں جن پر 6 ماہ کے لیے ملازم مطلوب ہیں، تنخواہیں ماہانہ 3 ہزار درہم سے لے کر 10 ہزار درہم تک کی ہیں۔

وزارت افرادی قوت کی جاری کردہ اطلاعات کے مطابق تعمیرات کے شعبے میں مکینیکل انجینیئر، گوداموں کے انچارج، منصوبہ بندی انجینیئر، مینٹیننس انچارج، سول انجینیئر، تعمیراتی مزدور،لوہار کے پیشوں کی اسامیاں خالی ہیں۔

خوارک کے شعبے میں اسسٹنٹ شیف کی اسامی خالی ہے اور آن لائن بزنس کے شعبے میں رابطہ مرکز اور جنرل اسٹور کی مارکیٹنگ کے پیشوں کی اسامیاں خالی ہیں۔

اسپتالوں اور میڈیکل کلینکس میں نرسوں، ٹرانپسورٹ کے شعبے میں ڈرائیور، لوڈر آپریٹر اور افرادی قوت کے شعبے میں متعدد ملازمتیں خالی ہیں۔

Comments

یہ بھی پڑھیں