متحدہ عرب امارات نے ایران کے میزائل اور ڈرون حملے ناکام بنانے کا دعویٰ کیا ہے۔
یو اے ای وزارت دفاع کا کہنا ہے کہ 8 بیلسٹک میزائل اور 26 ڈرونز تباہ کردیے ہیں، آج 9 میزائلوں کا سراغ لگایا گیا ہے، 8 فضا میں تباہ کیے، ایک سمندر میں گرا ہے۔
وزارت دفاع کا کہنا ہے کہ 35 میں 26 ڈرونز کو کامیابی سے انٹرسیپٹ کرلیا گیا ہے، ایران سے اب تک مجموعی طور پر 262 بیلسٹک میزائل داغے جاچکے ہیں، اب تک 1385 ایرانی ڈرونز اور 8 کروز میزائل تباہ کیے جاچکے ہیں۔
یو اے ای حکام کے مطابق حملوں میں اماراتی، پاکستانی، نیپالی اور بنگلادیشی شہریوں سمیت 6 افراد جاں بحق ہوئے ہیں۔
وزارت دفاع نے بتایا کہ میزائل اور ڈرون حملوں میں مختلف ملکوں کے 122 افراد زخمی ہوئے ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں