The news is by your side.

Advertisement

متحدہ عرب امارات کا امریکی اتحاد میں شمولیت کا اعلان

ابوظہبی: متحدہ عرب امارات نے بھی مشرق وسطیٰ سے متعلق قائم امریکی اتحاد میں شمولیت کا اعلان کردیا۔

تفصیلات کے مطابق متحدہ امارات کے ڈائریکٹر انٹرنیشنل سیکیورٹی کوآپریشن ڈیپارٹمنٹ سالم الزابی نے جاری بیان میں کہا ہے کہ یو اے ای مشرق وسطیٰ سے متعلق قائم امریکی اتحاد میں شمولیت اختیار کررہا ہے۔

غیر ملکی خبر رساں ادارے کے مطابق بیان میں کہنا تھا کہ متحدہ عرب امارات گلوبل انرجی سیکیورٹی یقینی بنانے، عالمی معیشت کیلئے توانائی کی ترسیل کا سلسلہ جاری رکھنے کیلئے امریکا کی جانب سے قائم اتحاد میں شمولیت اختیار کررہا ہے۔

امریکا نے مشرق وسطیٰ میں تیل بردار جہازوں کی محفوظ آمد و رفت کو یقینی بنانے کیلئے یہ اتحاد تشکیل دیا ہے جس میں اب تک سعودی عرب، آسٹریلیا، بحرین اور برطانیہ شامل ہوچکے ہیں۔

تیل تنصیبات پر حملہ عالمی معیشت پر حملہ ہے: سعودی فرمانروا

امریکا نے خلیج فارس میں آئل ٹینکر پر ہونے والے حملوں کے بعد یہ اتحاد تشکیل دیا تھا اور حملوں کا الزام ایران پر عائد کیا تھا۔

یہ اتحاد تیل کی ترسیل کے حوالے سے دنیا کی سب سے اہم گزرگاہ آبنائے ہرمز، باب المندب اور خلیج عمان میں تیل بردار جہازوں کی آمد و رفت کو محفوظ بنانے کیلئے کام کرے گا۔

خیال رہے کہ سعودی تیل تنصیبات پر حملے کے بعد عالمی طاقتوں کو شدید تشویش ہے، جبکہ پیٹرولیم مصنوعات کی قیمتوں میں بھی اضافے کا خدشہ ہے۔

Comments

comments

یہ بھی پڑھیں