تازہ ترین

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

وفاقی حکومت نے آٹا برآمد کرنے کی اجازت دے دی

وفاقی حکومت نے برآمد کنندگان کو آٹا برآمد کرنے...

عرب دنیا میں یواے ای کے عوام سب سے زیادہ ’خوش ‘رہتے ہیں

اقوام متحدہ کی سروے رپورٹ نے دنیا کے 156 ممالک کی فہرست جاری کی ہے جس کے مطابق یو اے ای عرب دنیا کا سب سے زیادہ خوشحال مملک ہے۔

تفصیلات کے مطابق دنیا کے 156 ممالک کے کیے گئے سروے رپورٹ کے مطابق متحدہ عرب امارات تمام عرب ممالک میں سب سے زیادہ خوشحال مملکت ہے۔ رپورٹ میں بتایا گیا ہے کہ خوشحال ممالک کی تیار کی گئی فہرست میں بیس ویں جبکہ عرب دنیا میں مسلسل گذشتہ چار سال سے پہلے نمبر پر برجمان ہے۔

اقوام متحدہ کے ادارے پائیدار ڈویلپمنٹ سولوشنز نیٹ ورک نے بدھ کے روز ایک رپورٹ شائع کی ہے جس میں دنیا کے 156ممالک کی سالانہ سروے رپورٹ میں بتایا گیا ہے کہ دنیا کے خوشحال ممالک کی فہرست میں ناروے چار درجے تنزلی کے بعدپانچویں جبکہ فن لینڈ پانچویں پوزیشن سے پہلے نمبر پر آکر دنیا کا سب سے زیادہ خوش رہنے والا ملک بن گیا ہے۔

پائیدار ڈویلپمنٹ سولوشنز نیٹ ورک کی جانب سے تمام ممالک کا سروے ان بنیادوں پر کیا گیا ہے جس میں فی کس جی ڈی پی، سماجی امدادصحت مند زندگی گزارنے کی امید، سماجی آزادی، سخاوت اور بد عنوانی شرح میں کمی جیسے عوامل شامل ہیں۔

اقوام متحدہ کے ادارے ایس ڈی ایس این کی جانب سے کی گئی درجہ بندی کے متعلق اماراتی احمد بن الشیخ کا کہنا تھا کہ یو اےای کا روادار معاشرہ عوام کو خوش کرتا ہے۔’’مجھے اس حقیقت سے محبت ہے کہ ہم ساری قومیتوں سے تعلق رکھنے والےافراد کے ساتھ زندگی گزار رہے ہیں جن کا اس ملک میں مکمل احترام کیا جاتا ہے اورانہیں کسی بھی قسم کے امتیازی سلوک کا سامنا نہیں کرنا پڑتا‘‘۔

طویل عرصے سے متحدہ عرب امارات میں رہنے والے لوگوں کا کہنا تھا کہ اس ملک کی جانب سے اپنی عوام کی سلامتی اورحفاظت کے حوالے سے کیے گئے اقدامات ہمیں خوش کرتے ہیں۔ مصر سے آئے ہوئے سیّاح نورہن مہر کا کہنا تھا کہ’صرف یو اے ای ایسا ملک ہے جہاں کسی کافی شاپ پر بھولا ہوا سامان بھی آپ کو واپس مل جاتا ہے‘۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

Comments

- Advertisement -