دبئی: منگیتر کو بے وقوف کہنے پر نوجوان کو 2 ماہ قید کی سزا
The news is by your side.

Advertisement

دبئی: منگیتر کو ’ایڈیٹ‘ کہنے پر نوجوان کو 2 ماہ قید کی سزا

دبئی: متحدہ عرب امارات میں ایک نوجوان کو اپنی منگیتر کو مذاق میں واٹس ایپ پر بے وقوف (ایڈیٹ) کہنا مہنگا پڑگیا، عدالت نے دو ماہ قید اور 20 ہزار درہم جرمانے کی سزا سنادی۔

عرب میڈیا کے مطابق اماراتی شخص نے اپنی ہونے والی شریک حیات کو واٹس ایپ پر ’ایڈیٹ‘ کا پیغام بھیجا جس پر لڑکی نے سائبر کرائم ایکٹ کے تحت لڑکے کے مقدمہ درج کروادیا۔

ملزم نے عدالت میں موقف اپنایا کہ میں نے مذاق میں اسے بے وقوف کہا تاہم لڑکی نے اسے اپنی توہین سمجھ لیا، عدالت نے فریقین کے دلائل سننے کے بعد ملزم کو 20 ہزار درہم جرمانہ اور دو ماہ کے جیل بھیج دیا۔

مزید پڑھیں: عرب خاتون نے محبوب کی مدد سے شوہر کے لاکھوں درہم چرالیے

واضح رہے کہ اماراتی قوانین میں سوشل میڈیا پر کوئی بھی ایسا مواد جو جارحیت پر مبنی ہو جس سے کسی کی توہین ہو اسے شیئر کرنا سائبر کرائم ایکٹ کی خلاف ورزی کے زمرے میں آتا ہے۔

سائبر کرائم ایکٹ کے تحت ملزم کو جیل اور ڈھائی لاکھ درہم جرمانے کی سزا دی جاسکتی ہے۔

خیال رہے کہ دبئی میں اس طرح کی سزا کا یہ پہلا واقعہ نہیں ہے رواں سال جنوری میں بھی برطانوی شہری کو جیل کی ہوا کھانی پڑی تھی جب اس نے کار ڈیلر کو غصے میں آکر مغلظات بکیں تھیں۔

Comments

comments

یہ بھی پڑھیں