اماراتی شہری نے 95 برس میں تیسری شادی کرلی
The news is by your side.

Advertisement

اماراتی شہری نے 95 برس میں تیسری شادی کرلی

ابو ظہبی : متحدہ عرب امارات کی ریاست راس الخیمہ کے 95 سالہ بزرگ شہری نے کم عمر خاتون سے تیسری شادی کرلی، ویڈیو سوشل میڈیا پر وائرل ہوگئی۔

تفصیلات کے مطابق سماجی رابطوں کی ویب سایٹ پر متحدہ عرب امارات کے ایک ضعیف العمر شخص تیسری شادی کی وائرل ہونے والی ویڈیو نے ہلچل مچادی۔

اماراتی خبر رساں ادارے کا کہنا تھا متحدہ عرب امارات کی ریاست راس الخیمہ کے رہائشی 95 سالہ سعید علی الشحی کو ویڈیو میں مکمل صحت مند اور خوش و خرم نظر آرہے ہیں، مذکورہ شخص کی تیسری زوجہ کی عمر 30 سے چالیس سال ہے۔

مقامی میڈیا کا کہنا تھا کہ 95 سالہ اماراتی شہری کی شادی میں سعید الشحی کے دوست و احباب سمیت تمام بیٹوں اور بیٹیوں نے بھی شرکت کی۔

مقامی خبر رساں ادارے کا کہنا تھا کہ شادی کی تقریب عربی روایت کے مطابق دلہا کے گھر میں منعقد ہوئی، سعید الشحی کے بیٹے نے میڈیا کو بتایا کہ شادی میں دیگر علاقوں کے مہمانوں نے بھی بڑی تعداد میں شرکت کرکے والد کو تیسری شادی پر مبارک باد پیش کی، جو حیران کن بات ہے۔

اماراتی میڈیا کا کہنا ہے کہ سعید علی الشحی کے پہلی اور دوسری اہلیہ سے 15 اولادیں ہیں جن میں سے 10 بیٹے اور 5 بیٹیاں ہیں، 95 سالہ دولہا کے بڑے بیٹے کی عمر 50 برس جبکہ سب سے چھوٹے بچہ ڈیڑھ سال کا ہے۔

واضح رہے کہ 95 سالہ دولہا سعید الشحی عرب کی روایتی تلواریں اور خنجر بنانے میں مہارت رکھتے ہیں۔

Comments

comments

یہ بھی پڑھیں