The news is by your side.

Advertisement

یو اے ای: پاکستان کے لیے نئی ہدایات جاری

ابوظبی: پاکستان سے ابوظبی جانے والے مسافروں میں کرونا وائرس کی تشخیص کا معاملہ سامنے آنے کے بعد اماراتی سول ایوی ایشن حکام نے پاکستان کے لیے نئی ہدایات جاری کر دی ہیں۔

تفصیلات کے مطابق ابوظبی ایئر پورٹ حکام کی جانب سے قومی ایئر لائن سمیت تمام ایئر لائنز کو وارننگ جاری کی گئی ہے کہ 7 مسافر کرونا مریض نکلنے پر متعلقہ ایئر لائن پر 2 دن کی پابندی لگائی جائے گی۔

اس سلسلے میں اماراتی سول ایوی ایشن کی جانب سے ایک ہدایت نامہ جاری کیا گیا ہے، جس میں کہا گیا ہے کہ اگر ایک ہفتے کے دوران 2 دفعہ 7 یا زیادہ کرونا مریض نکلے تو ایئر لائن پر ایک ہفتہ پابندی عائد کر دی جائے گی۔

متحدہ عرب امارات میں 4 تعطیلات، ایئرلائنز کے خصوصی کرایے

ہدایت نامے کے مطابق اگر پابندی لگ گئی تو پھر متعلقہ ایئر لائن متحدہ عرب امارات کے ایئر پورٹس پر لینڈنگ نہیں کر سکے گی۔

ہدایت نامے میں فضائی مسافروں کے کرونا ٹیسٹ اور ریپڈ پی سی آر رپورٹس کی چیکنگ لازمی قرار دے دی گئی ہے۔

Comments

یہ بھی پڑھیں