اماراتی وزارت دفاع نے حالیہ گھنٹوں میں فضائی خطرات نہ ہونے کی تصدیق کردی ہے۔
عرب میڈیا کی رپورٹ کے مطابق اماراتی وزارت دفاع کا کہنا ہے کہ فضائی دفاعی نظام نے ایران کے کسی میزائل یا ڈرون حملے کا ثبوت نہیں پایا ہے۔
وزارت دفاع کا کہنا ہے کہ ایرانی حملوں کے آغاز سے 537 بیلسٹک میزائل تباہ کیے جاچکے ہیں۔
اماراتی وزارت دفاع نے کہا کہ جنگ کے آغاز سے 26 کروز میزائل اور 2 ہزار 256 ڈرونز بھی تباہ کیے جاچکے ہیں، حالیہ گھنٹوں میں کوئی حملہ نہیں ہوا جس سے کوئی شخص زخمی ہوا ہو۔
یہ پڑھیں: یو اے ای کا آبنائے ہرمز بندش پر سلامتی کونسل کے اقدام نہ اٹھانے پر مایوسی کا اظہار
حکام کے مطابق جنگ کے آغاز سے اب تک مجموعی زخمیوں کی تعداد 224 ہے، زخمیوں میں پاکستان، بھارت، فلپائن مصر اور ایران سمیت متعدد ممالک کے شہری شامل ہیں۔
اعلامیے میں بتایا گیا ہے کہ جنگ کے آغاز سے اب تک مجموعی طور پر 10 سویلین شہید ہوچکے ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں