The news is by your side.

Advertisement

پھندا لگا کر پنکھے سے لٹکنے والا شخص گھنٹوں زندہ رہا

شارجہ: متحدہ عرب امارات کی ریاست شارجہ میں خودکشی کرنے والا بھارتی شخص پھندا لگا کر پنکھے سے جھولنے کے باوجود گھنٹوں زندہ رہا۔

تفصیلات کے مطابق اماراتی میڈیا کی رپورٹ میں بتایاگیا ہے کہ یہ واقعہ صنعتی علاقے میں پیش آیا جہاں ایک فلیٹ میں بھارتی شخص پھندا لگا کر پنکھے سے لٹک گیا۔

پولیس کا کہنا ہے کہ واقعے سے متعلق آپریشن روم میں ٹیلی فون پر اطلاع ملی تو فوری طور پر پولیس ٹیم، سی آئی ڈی، فرانزک اور دیگر امدادی ٹیمیں حرکت میں آ گئیں۔

یہ بھی پڑھیں: دلہا نے شادی ہال میں خودکشی کرلی

مذکورہ فلیٹ میں جب پولیس پہنچی تو دیکھا ایک شخص خود کوپھاندا لگا کر پنکھے سے جھول رہا تھا، پولیس کے مطابق جب خودکشی کرنے والے شخص کے گلے سے پھندا نکالا تو وہ زندہ تھا اور اس کی سانسیں چل رہی تھی۔

فوری طور پر بھارتی شخص کو مقامی اسپتال منتقل کیا گیا جہاں ڈاکٹرز نے ہنگامی طبی امداد دی تاہم چندگھنٹوں بعد اس کی موت واقع ہوگئی۔

حکام نے ضابطے کی کارروائی کے بعد لاش ورثاء کے حوالے کردی اور واقعے کی تفتیش شروع کردی۔

fb-share-icon0
Tweet 20

Comments

comments

یہ بھی پڑھیں