تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

متحدہ عرب امارات کے صدر کی اسلام آباد آمد منسوخ

اسلام آباد : متحدہ عرب امارات کے صدر محمد بن زایدآل نہیان کی اسلام آباد آمد موسم کی خرابی کے باعث منسوخ ہوگئی۔

تفصیلات کے مطابق وفاقی وزیر اطلاعات مریم اورنگزیب کی جانب سے بیان میں کہا گیا ہے کہ متحدہ عرب امارات کے صدر محمد بن زایدآل نہیان کا دورہ اسلام آباد موسم کی خرابی کے باعث منسوخ کردیا گیا۔

مریم اورنگزیب نے بتایا کہ یو اے ای صدر بہاولپور میں شدید بارش کے باعث اسلام آباد نہیں آسکے، معزز مہمان صبح ساڑھے 7بجے سے ٹیک آف کے منتظر تھے تاہم سیکیورٹی نے موسم کی خرابی کی وجہ سے پرواز کو اڑان کی اجازت نہیں دی۔

وفاقی وزیر کا کہنا تھا کہ معزز مہمان کے دورہ اسلام آباد کی تاریخوں کا دوبارہ اعلان کیا جائے گا، دورے میں دو طرفہ تعلقات، مختلف شعبوں میں تعاون بڑھانےپر تبادلہ خیال ہونا تھا۔

یاد رہے ذرائع نے بتایا تھا کہ یو اے ای کے صدر نے 10بجےاسلام آبادپہنچناتھا تاہم بارش کے باعث جہاز کو فضائی کلیئرنس نہیں مل سکی۔

غیرملکی مہمانوں کی آمد کے سبب آج اسلام آباد میں عام تعطیل کااعلان کیاگیا ہے اور شہریوں کوغیر ضروری سفر سے گریز کی ہدایت کی گئی تھی۔

Comments

- Advertisement -