دبئی: متحدہ عرب امارات میں رہائشی اور وزٹ ویزا رکھنے والے تارکین وطن کو بڑی خوشخبری سنادی گئی۔
خلیج ٹائمز کی رپورٹ کے مطابق متحدہ عرب امارات میں کرونا وائرس کے سبب رہائشی اور وزٹ ویزا رکھنے والے افراد کے ویزے کی معیاد رواں سال کے آخر تک بڑھا دی گئی ہے۔
اندرون یا بیرون ملک مقیم تارکین وطن کا رہائشی ویزا کی میعاد یکم مارچ کو ختم ہوئی ہے تو ان کے ویزے کی میعاد دسمبر کے آخر تک برقرار رہے گی۔
اسی طرح امارات کے شناختی کارڈ جن کا اختتام یکم مارچ کو ہونا تھا وہ دسمبر 2020 کے آخر تک درست رہیں گے۔
بریگیڈ الکعبی کا کہنا ہے کہ انہیں موجودہ حالات میں رہائشیوں اور زائرین سے اپنے آبائی وطن میں اہلخانہ میں شامل ہونے کی بہت سی درخواستیں موصول ہوئی ہیں۔
ان کا کہنا ہے کہ ہم ان درخواستوں کو مربوط کرنے کے لیے کام کررہے ہیں، آئی سی اے شہریوں، رہائشیوں اور زائرین سمیت معاشرے کے تمام طبقات کے ساتھ اپنی قطعی وابستگی کی تصدیق کرتا ہے۔
انہوں نے کہا کہ ہم اتھارٹی کی سرکاری ویب سائٹ پر اعلان کردہ مواصلاتی چینلز کے توسط سے تمام پوچھ گچھ کے موصول ہونے اور ان میں شامل ہونے کے لیے بھی اپنی رضامندی کی تصدیق کرتے ہیں۔
یو اے ای گورنمنٹ آفیشل پورٹل کے مطابق چار طرح کے پرمٹ ہیں، اندراج اجازت نامہ آپ کے دورے کے مقصد پر منحصر ہے یہ اس کے لیے ہوسکتا ہے، سیاحت، وزٹ، ٹرانزٹ، ورک پرمٹ۔
