The news is by your side.

Advertisement

یواے ای کا بچوں کی ویکسینیشن سے متعلق بڑا فیصلہ

متحدہ عرب امارات نے بچوں کو کورونا سے محفوظ رکھنے کے لیے ویکسینیشن سے متعلق بڑا ‏اعلان کر دیا۔

اماراتی میڈیا کے مطابق وزارت صحت نے اعلان کیا ہے کہ اب یو اے ای میں بچوں کو بھی ‏ویکسین لگائی جائے گی۔

بچوں کو ویکسین لگانے کی منظوری دے دی گئی ہے اور 3 سال سے 17 سال تک کے بچوں کو ‏چین کی سائینوفارم ویکسین لگائی جائے گی۔

سائینوفارم ویکسین لگانے کا فیصلہ ایک مطالعاتی دورے کے بعد کیا گیا جس میں 900 بچوں نے ‏رضاکارانہ طور پر حصہ لیا اور ان کے والدین کی رضامندی بھی شامل تھی۔

خلیجی عرب ریاست کا شمار دنیا کے سب سے زیادہ قوت مدافعت رکھنے والے ممالک میں ہوتا ہے ‏اور اماراتی حکومت کا کہنا ہے کہ اب تک قریباً 80 فیصد آبادی کو ویکسین کی ایک ڈوز لگائی جا ‏چکی ہے جب کہ 70 فیصد سے زائد افراد مکمل طور پر ویکسینیٹڈ ہیں۔

خلیجی ریاست میں پہلے ہی 12 سے 15 سال کے بچوں کو فائزر بائیوان ٹیک ویکیسن لگائی جارہی ‏ہے۔

Comments

یہ بھی پڑھیں