تازہ ترین

عرب امارات: ملازمین کی تنخواہ کے حوالے سے اہم اعلان

ابو ظہبی: متحدہ عرب امارات میں وزارت افرادی قوت نے کہا ہے کہ ملازمین کی تنخواہیں بینک کے ذریعے ادا کرنے پر مالکان کو رعایتیں دی جائیں گی۔

اردو نیوز کے مطابق متحدہ عرب امارات کی وزارت افرادی قوت و اماراتائزیشن نے کمپنیوں اور اداروں کے مالکان سے کہا ہے کہ وہ اپنے ملازمین کی تنخواہیں بینک اکاؤنٹس کے ذریعے ادا کریں۔

وزارت افرادی قوت نے اپنے بیان میں کہا ہے کہ جو لوگ اپنے ملازمین کی تنخواہیں بینک اکاؤنٹس کے ذریعے ادا کریں گے انہیں تحفظ اجرت قانون میں اندراج کے حوالے سے رعایتیں دی جائیں گی۔

وزارت کا کہنا ہے کہ بینکوں کے ذریعے تنخواہ ادا کرنے کے متعدد فائدے ہیں، پہلا یہ ہے کہ ملازمین کی تنخواہیں ادا کرنے کا ریکارڈ محفوظ ہوجائے گا۔

دوسرا فائدہ یہ ہوگا کہ آجر اور اجیر کے درمیان اچھے تعلقات استوار ہوں گے، اجیروں کو مقررہ وقت پر تنخواہ ملتی رہے گی، علاوہ ازیں ایک فائدہ یہ بھی ہے کہ ملازمین کو شفاف نظام کے تحت آسانی سے تنخواہ وصول ہوتی رہے گی۔

Comments

- Advertisement -