کراچی: متحدہ عرب امارات سے سیلاب متاثرین کے لیے امدادی سامان لے کر مزید پروازیں کراچی پہنچ گئیں، گزشتہ روز بھی 5 امدادی پروازیں کراچی آئی تھیں۔
تفصیلات کے مطابق پاکستان میں سیلاب متاثرین کے لیے متحدہ عرب امارات سے امدادی پروازوں کی آمد جاری ہے، عرب امارات سے امدادی سامان لے کر چھٹی اور ساتویں پروازیں کراچی پہنچ گئیں۔
امدادی سامان لے کر آنے والی دونوں پروازیں ایک ساتھ جناح انٹرنیشنل ایئرپورٹ پر اتریں، عرب امارات کے سفارتخانے، وزارت دفاع کے نمائندوں و دیگر اعلیٰ حکام نے خیر مقدم کیا۔
متحدہ عرب امارات سے گزشتہ روز بھی 5 پروازیں امدادی سامان لے کر کراچی آئی تھیں۔
گزشتہ روز ترکمانستان سے بھی خصوصی طیارہ سیلاب متاثرین کے لیے امدادی سامان لے کر کراچی پہنچا تھا، امدادی سامان میں خیمے، کمبل اور کھانے پینے کی اشیا شامل ہیں۔
Comments
- Advertisement -
