تازہ ترین

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

وفاقی حکومت نے آٹا برآمد کرنے کی اجازت دے دی

وفاقی حکومت نے برآمد کنندگان کو آٹا برآمد کرنے...

وزیراعظم شہباز شریف آج چیف جسٹس قاضی فائز عیسٰی سے اہم ملاقات کریں گے

اسلام آباد : وزیراعظم شہبازشریف اور چیف جسٹس سپریم...

متحدہ عرب امارات:‌ بھارت جانے والی تمام پروازیں معطل، ایڈوائزری جاری

دبئی: متحدہ عرب امارات کے سول ایوی ایشن اتھارٹی نے بھارت جانے والی تمام پروازوں کو معطل کرتے ہوئے ایڈوائزری جاری کردی۔

تفصیلات کے مطابق متحدہ عرب امارات کے جنرل برائے فضائی امور (سول ایوی ایشن اتھارٹی) نے شہریوں اور بھارت جانے والی پروازوں کے حوالے سے ایڈوائزری جاری کی۔

سول ایوی ایشن کے سربراہ نے بھارت جانے والی تمام پروازوں کو تاحکم ثانی بند رکھنے کی ہدایت کی جبکہ پاکستان کے پانچ شہروں میں بھی متحدہ عرب امارات کی کوئی پرواز آئندہ چند دنوں تک لینڈ نہیں کرے گی۔

سول ایوی ایشن اتھارٹی نے بدھ کے روز اعلامیہ جاری کیا جس میں کہا گیا ہے کہ پاک بھارت کشیدگی کے باعث شہری سفر کرنے سے اجتناب کریں۔

مزید پڑھیں: کراچی ائیرپورٹ پر فلائٹ آپریشن جزوی بحال

دوسری جانب متحدہ عرب امارات کے حکام نے یہ بھی کہا ہے کہ وہ پاکستان کی صورتحال پر مکمل نظر رکھے ہوئے ہیں۔  حکام کا کہنا تھا کہ ہم نے اپنے ملک کے شہریوں کی حفاظت کو مدنظر رکھتے ہوئے مسافروں کے لیے ایڈوائزری جاری کی۔

یاد رہے کہ بھارت نے گزشتہ روز پاکستانی حدود کی خلاف ورزی کی تھی جس کے بعد عسکری قیادت الرٹ ہوگئی تھی تاہم آج صبح جب بھارتی فضائیہ نے دوبارہ دراندازی کی کوشش کی تو پاک فضائیہ کے شاہینوں نے دو بھارتی طیاروں کو تباہ کیا جس کے نتیجے میں ایک پائلٹ ہلاک جبکہ دوسرا زندہ پکڑا گیا۔

یہ بھی پڑھیں: پاکستان پر حملہ ڈرامہ تھا، پلوامہ حملہ میں مارے جانے والے فوجی کی والدہ کا بیان

بھارت کی ممکنہ شر انگیزی کو مدنظر رکھتے ہوئے پاکستان نے 28 فروری کی رات تک تمام بڑے شہروں میں واقع ہوائی اڈوں سے فلائٹ آپریشن معطل کیا جبکہ کچھ دیر قبل کراچی ائیرپورٹ پر فلائٹ آپریشن جزوی طور پر بحال بھی ہوا۔ بھارت نے بھی اپنے تمام شہروں میں غیرمعینہ مدت تک فلائٹ آپریشن معطل کردیا جس کے باعث سیکڑوں مسافروں کو پریشانی کا سامنا کرنا پڑ رہا ہے۔

Comments

- Advertisement -