متحدہ عرب امارات نے امریکا سے ہتھیاروں اور ایف 35 لڑاکا طیاروں کی خریداری کے لیے مذاکرات ختم کر دیے۔
امریکا کو یو اے ای سے ہتھیاروں اور ایف 35 طیاروں کے استعمال سے متعلق سوال پوچھنا مہنگا پڑ گیا۔ اماراتی حکومت نے سوال پوچھنے پر 23 بلین ڈالر مالیت کے ہتھیار خریدنے کا معاملہ روک دیا۔
واشنگٹن میں متحدہ عرب امارات کے سفارت خانے نے واشنگٹن کو مطلع کیا تھا کہ وہ 23 بلین ڈالر کے ہتھیاروں کے معاہدے پر بات چیت کو معطل کر رہا ہے جس میں جدید ترین F-35 طیارے شامل ہیں۔
ایسوسی ایٹڈ پریس کو ایک بیان میں سفارت خانے نے کہا کہ متحدہ عرب امارات فروخت پر "بات چیت کو معطل” کر دے گا تاہم پینٹاگون میں اس ہفتے کے آخر میں دونوں فریقوں کے درمیان دیگر امور پر ہونے والی ملاقاتیں شیڈول کے مطابق ہوں گی۔
متحدہ عرب امارات کے ایک اہلکار نے رائٹرز نیوز ایجنسی کو بتایا کہ تکنیکی ضروریات، خود مختار آپریشنل پابندیاں، اور لاگت، فائدے کے تجزیے کی وجہ سے معاہدے کا دوبارہ جائزہ لیا گیا ہے۔