پاکستان اور افغانستان کے درمیان تین میچوں کی ون ڈے سیریز جو کہ آئی سی سی کرکٹ ورلڈ کپ سپر لیگ کا حصہ ہے اگلے سال متحدہ عرب امارات (یو اے ای) میں کھیلے جانے کا امکان ہے۔
یہ سیریز مختلف مسائل کی وجہ سے 2021 اور 2022 میں دو بار ملتوی کی جا چکی ہے لیکن افغانستان کرکٹ بورڈ (اے سی بی) کی جانب سے اگلے پانچ سالوں کا معاہدہ طے پا گیا ہے جس کے مطابق متحدہ عرب امارات افغانستان کے ‘ہوم’ میچوں کی میزبانی کرے گا اس کے بعد میچز اب متحدہ عرب امارات میں کھیلے جانے کا امکان ہے۔
سیکیورٹی خدشات نے دورہ کرنے والی ٹیموں کو افغانستان سے دور رکھا ہے۔
کرکٹ بورڈز نے ایک بیان میں کہا کہ معاہدے کے ایک حصے کے طور پر ٹیسٹ کھیلنے والا ملک افغانستان ٹائر ٹو اماراتی ٹیم کے خلاف سالانہ تین میچوں کی T20 سیریز کھیلے گا۔
ACB Sign Mutual Cooperation Agreement with @EmiratesCricket 🚨
Kabul, 27 Nov 2022: @ACBofficials and the @EmiratesCricket have entered into a five-year mutual cooperation agreement that will see the ACB host its home fixtures in the UAE.
👉 https://t.co/14Z3LIWMzv pic.twitter.com/UiUDnn7K8I
— Afghanistan Cricket Board (@ACBofficials) November 27, 2022
ایمریٹس کرکٹ بورڈ (ای سی بی) کے جنرل سکریٹری مبشر عثمانی نے ایک بیان میں کہا کہ ہم ACB کی حمایت کرتے ہوئے خوش ہیں کہ اس بات کو یقینی بنایا جائے کہ ان کے پاس اپنی کرکٹ کے لیے ایک گھر ہو، ہم ہر سال متحدہ عرب امارات کی ٹیم کے خلاف T20I میچوں کی سیریز کھیلنے پر راضی ہونے پر افغانستان کرکٹ بورڈ کے بھی شکر گزار ہیں۔
