تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

متحدہ عرب امارات کا سیاحتی ویزے پر آنے والوں کیلئے بڑی سہولت کا اعلان

دبئی : متحدہ عرب امارات نے پانچ سالہ سیاحتی ویزے کے بعد ایک اور سہولت کا اعلان کر دیا ہے اور کہا اگر کسی شخص کے امارات پہنچنے پر وزٹ یا سیاحتی ویزے کی میعاد ختم ہوگئی تو توسیع اندرون ملک سے ہی ہو جائے گی۔

تفصیلات کے مطابق متحدہ عرب امارات میں شہریت اور قومیت کے وفاقی ادارے نے وزٹ اور سیاحتی ویزے پر آنے والوں افراد کے لیے ایک اور نئی سہولت کا اعلان کر دیا ہے۔

الامارات الیوم کا کہنا ہے کہ اگر کوئی وزٹ یا سیاحتی ویزے پر امارات پہنچا ہو اور اس کے ویزے کی میعاد ختم ہو گئی ہو تو ایسی صورت میں اسے ویزے کی میعاد کی پابندی کرتے ہوئے ملک سے واپس جانا ہوتا تھا تاہم اب ایسا نہیں ہوگا۔

نئی سہولت کے مطابق اگر کوئی شخص وزٹ یا سیاحتی ویزے پر امارات آیا اور وہ توسیع کرانا چاہتا ہو تو ایسی صورت میں ویزہ حاصل کرنے کے لیے امارات سے باہر نہیں جانا ہوگا، توسیع اندرون ملک سے ہی ہو جائے گی لیکن ویزے کی تجدید کی ایک شرط ہے کہ امارات میں قیام کی مدت چھ ماہ سے زیادہ نہ ہو۔

مزید پڑھیں : متحدہ عرب امارات، 5 سالہ سیاحتی ویزے کا اعلان

وفاقی ادارے نے کہا ہے کہ ایسے افراد اسمارٹ فون ایپلی کیشن کے ذریعے ادارے سے رجوع کریں ، اس کی بدولت انہیں متعدد سہولیات حاصل ہوں گی۔

یاد رہے چند روز قبل متحدہ عرب امارات کے نائب صدر اور وزیراعظم شیخ محمد بن راشد المکتوم کی زیر صدارت اجلاس میں تمام قومیتوں کے لیے 5 سالہ سیاحتی ویزے کا اعلان کیا گیا تھا۔

شیخ محمد بن راشد المکتوم کا کہنا تھا کہ آج ہم ملک میں سیاحتی ویزا جاری کرنے کے نظام میں تبدیلی کررہے ہیں تاکہ سیاحتی ویزا کی مدت کو پانچ سال کے لیے قابل استعمال تمام قومیتوں کے لیے بنایا جائے۔

واضح رہے کہ 4 دسمبر کو متحدہ عرب امارات کی وفاقی اتھارٹی برائے شناخت و شہریت نے واضح کیا تھا کہ بیرون ملک سے آنے والے مسافروں کے لیے 2 قسم کے ٹرانزٹ ویزا کی سہولت دستیاب ہے۔

ایک ٹرانزٹ ویزا بالکل مفت ہے جس کی میعاد 48 گھنٹے ہے جب کہ دوسرا ٹرانزٹ ویزا 96 گھنٹوں پر محیط ہے جس کے لیے 50 درہم ادائیگی کرنا ہوگی۔

Comments

- Advertisement -