دبئی: متحدہ عرب امارات کی ریاست دبئی میں قائم دنیا کی بلند ترین عمارت برج الخلیفہ پر آسٹریلیا کے جنگلات میں لگنے والی ہولناک آگ کے متاثرین سے اظہار یکجہتی کے لیے پیغامات آویزاں کیے گئے۔
گلف نیوز کے مطابق دبئی میں قائم برج الخلیفہ کی عمارت بدھ کو مغرب کے بعد روشن ہوئی جس پر اظہار یکجہتی کے حوالے سے کلمات آویزاں ہوئے اور پھر یہ اندھیرے میں ڈوب گئی، اس اقدام کا مقصد آسٹریلیا میں ہونے والی آتشزدگی سے متاثرہ افراد سے یکجہتی کا اظہار کرنا تھا۔
یاد رہے کہ آسٹریلیا میں واقع جنگلات میں گزشتہ ماہ کی آخری تاریخ کو آتشزدگی کا واقعہ پیش آیا اور یہ اس قدر خوفناک شدت اختیار کرگئی کہ اس نے 1 لاکھ اسکوائر فٹ کے علاقے کو مکمل جلا کر راکھ کردیا۔
In collaboration with @expo2020dubai#BurjKhalifa lights up for Australia to spread hope, strength and support to its people during these trying times to get back stronger. #MatesHelpMates pic.twitter.com/Lo1JxaNXD3
— Burj Khalifa (@BurjKhalifa) January 15, 2020
آسٹریلیا میں ہونے والی آتشزدگی کے نتیجے میں کئی مکانات بھی جل کر ختم ہوئے اور اس کے نتیجے میں 28 انسانی جبکہ 1 ارب سے زائد جانوروں کی ہلاکتیں بھی ہوئیں۔ جنگلات میں لگنے والی آگ کو بجھانے کی مسلسل کوششیں جاری ہیں البتہ کئی روز گزر جانے کے باوجود بھی اس پر تاحال قابو نہیں پایا جاسکا۔