The news is by your side.

Advertisement

یوسی چیئرمین ضلع وسطی اور جنوبی نے سندھ حکومت کے راشن کا بھانڈا پھوڑ دیا

کراچی : یوسی چیئرمین ضلع وسطی اور جنوبی نے سندھ حکومت کے راشن کا بھانڈا پھوڑ دیا اور مقدارسےکم راشن فراہم کیے جانے کا انکشاف کیا۔

تفصیلات کے مطابق سندھ حکومت کےدعوؤں کی قلعی یوسی چیئرمین نے کھول دی، ضلع وسطی میں مقدارسےکم راشن فراہم کیے جانے کا انکشاف سامنے آیا ، جس کے باعث ہزاروں مستحق خاندان راشن سےمحروم ہیں۔

یوسی چیئرمین نے بتایا ڈپٹی کمشنر وسطی کو 400بیگز کی درخواست کی اور صرف 26راشن بیگ دیے گئے، ضلع وسطی میں زکوٰة کمیٹی کے جیالے ارکان کو بھی راشن بیگ دیےگئے۔

کمشنرنےایک خاندان کےلیےراشن بیگ میں مقررہ تعدادشامل کرنےکاحکم دیاتھا، کمشنر کراچی کی فہرست کے مطابق فی خاندان راشن بیگز میں بھی چیزیں پوری نہیں ، راشن بیگز میں نمک ،دھنیہ پاؤدر،ہلدی پاؤڈر کا نام و نشان تک نہیں جبکہ لال مرچ،سفیدچنا،دال مسور ،دال مونگ بھی غائب ہے۔

یوسی چیئرمین نعیم الدین کا کہنا ہے کہ ضلع وسطی انتظامیہ کی جانب سےفراہم راشن میں مقررکردہ ایس او پی سے کم مقدارہے، منتخب نمائندوں کو بے اختیار کرکے سیاسی بنیادوں پر راشن دیا جارہاہے ،وزیراعلیٰ خدارا لوگوں پر رحم کریں۔

دوسری جانب یوسی چیئرمین جنوبی نے سندھ حکومت کے راشن کابھانڈاپھوڑ دیا اور کہا راشن کے نام پر لوگوں سے مذاق کیا جارہا ہے ، ایک ہزاروالےبیگ میں بامشکل 2دن کاسامان نہیں جبکہ سرکاری راشن میں 10کلوآٹا،لوکوالٹی چاول،آدھاکلوگھی،پتی ، چینی دال چناہے۔

یوسی چیئرمین قیصرامتیاز کا کہنا ہے کہ راشن بیگزکے نام پرہریوسیزسے2لاکھ کی گرانٹ میں کمی کی گئی، گرانٹ کم کرنے کے باوجود 5ہزار کا راشن بھی فراہم نہیں کیا، 55 ہزارکی آبادی کی یوسی میں ڈی سی نے80بیگزتقسیم کے لیے دیئے۔

یوسی چیئرمین ریلوےکالونی نے مزید کہا کہ 5 ہزارخاندانوں میں 80بیگز کیسےتقسیم کروں، سندھ حکومت آکر جواب دے۔

Comments

یہ بھی پڑھیں