پنچایت کے حکم پر دو شہریوں‌ پر سرعام تشدد، ویڈیو وائرل uch sharif Violence citizens
The news is by your side.

Advertisement

پنچایت کا حکم، دو شہریوں‌ پر سرعام تشدد، ویڈیو وائرل

اوچ شریف: بااثر زمینداروں نے اپنی عدالت لگا کر پنچایت کے حکم پر دو شہریوں پر تشدد کرایا، فوٹیج منظر عام پر آگئی جس پر لوگوں نے حکومت سے نوٹس لینے کامطالبہ کردیا۔

اے آر وائی نیوز کے نمائندے چوہدری سلیم کے مطابق یہ واقعہ تھانہ نوشہرہ کی حدود میں واقعی بستی کوٹلاں شیخاں میں پیش آیا جہاں ابوبکر اور ایک اور شخص کو پنچایت کے حکم پر تشدد کا نشانہ بنایا گیا۔

ان دونوں پر الزام ہے کہ انہوں نے مقامی زمیندار کی کپاس کی فصل چوری کی ہے، بااثر مقامی زمینداروں نے اپنی عدالت لگا کر انہیں تشدد کا نشانہ بنایا بقیہ لوگ تماشا دیکھتے رہے۔

نمائندے نے بتایا کہ یہ فوٹیج منظر عام پر آنے کے باوجود پولیس نے کوئی کارروائی نہیں کی اور خواب خرگوش کے مزے لے رہی ہے، پولیس بااثر زمینداروں کے خلاف کارروائی کرنے سے ہمیشہ سے گریزاں رہی ہے اور یہاں بھی ایسا ہے۔

انہوں نے بتایا کہ یہاں اس قسم کے واقعات پیش آتے رہتے ہیں، گزشتہ چند روز قبل بھی ونی کا ایک واقعہ ہوا تھا جس میں خبر نشر ہونے کے بعد مقدمہ بھی درج ہوا اور ملزمان بھی گرفتار ہوئے، اس کی بڑی وجہ ڈی پی او بہاولپور کا تعینات نہ ہونا ہے۔

Comments

comments

یہ بھی پڑھیں