The news is by your side.

Advertisement

اودے چوپڑا نے میسج کر کے نرگس فخری سے برسوں پرانے تلعقات ختم کردیے

نئی دہلی: ٹیکنالوجی نے کام اتنا آسان کردیا کہ اب اظہارِ محبت یا الوداع کہنے کے لئے ملاقات ضروری نہیں بلکہ اپنے فون سے ایک میسج کے ذریعے کیا جاسکتاہے۔ جدید دور کی اس سہولت کو استعمال کرتے ہوئے بالی ووڈ اداکار اُدے چوپڑا نے واٹس ایپ کے ذریعے نرگس فخری سے تعلقات ختم کرنے کا اعلان کردیا۔

فلم اظہر کی پروموشن کے دوران اداکارہ نرگس فخری کا اچانک امریکہ جانے کی خبر اُدے چوپڑا کے پرستاروں کے لیے حیران کن خبر تھی کہ وہ اچانک منظر عام سے غائب ہوگئیں، اس خبر نے فلمی دنیا میں کئی سوالات کو جنم بھی دیا۔

بھارتی فلمی انڈسٹری کی اطلاعات کے مطابق نرگس فخری فلم کی شوٹنگ کے دوران اُدے چوپڑا سے متاثر ہوکر اپنا دل دے بیٹھیں تھی اور ان کی خواہش تھی کہ وہ اداکار کے ساتھ ازدواجی رشتے میں منسلک ہوجائیں۔

بھارتی ویب سائٹ بالی ووڈ ڈاٹ کام کے مطابق اداکارہ نے جب اس ارادے کا اظہار ادے کے سامنے کیا تو اُدے چوپڑا نے جواباً نرگس فخری سے  پر تعلقات کرنے کا میسج بذریعہ واٹس اپ بھیج دیا ہے۔

ایک اور اطلاع کے مطابق نرگس فخری کی قریبی اداکارہ نے بتایا ہے کہ اُدے چوپڑا کے انکار کے بعد نرگس فخری ذہنی طور پر بہت الجھن کا شکار ہیں، یہ انکار نرگس کے لئے انتہائی حیران کن ہے۔

uday 1

ویب سائٹ کی رپورٹ میں مزید بتایا گیا ہے کہ اُدے چوپڑا نے نرگس فخری کے ساتھ ہونے والے محبت کا اختتام بزریعہ میسج (واٹس اپ) کیا، جس کے بعد وہ خاصے فعال نظر آنے لگے ہیں۔

تاہم نرگس فخری کے ترجمان نے فلم انڈسٹری چھوڑنے کے اور دیگر الزامات کی تردید کرتے ہوئے کہا ہے کہ ’’ وہ اس وقت مشکل حالات کا سامنا کررہی ہیں‘‘۔

uday 2

انہوں نے مزید کہا کہ نرگس فخری ایک ہی وقت میں تین فلموں کے لئے کام کررہی ہیں، کام کی زیادتی کے باعث ان کی طبیعت کچھ بہتر نہیں ہے،فلم اظہر کی پروموشن کے دوران بھی انہیں تین چوٹیں آچکی ہیں۔ جس کے باعث وہ ذہنی دباؤ کا شکار ہیں اور آرام کے لئے امریکہ میں موجود ہیں۔

واضح رہے اُدے چوپڑا اور نرگس فخری نے دو سال سے جاری ملاقاتوں کے حوالے سے پوچھے گیے سوال میں اس کی تردید کی تھی۔

Comments

comments

یہ بھی پڑھیں