The news is by your side.

Advertisement

چیمپینز لیگ کا فاتح کون؟ فیصلہ آج ہوگا، رونالڈو اور محمد صلاح توجہ کا محور

تجزیہ کار انگلش کلب لیورپول اور اسپیشن کلب ریال میڈرڈ میں کانٹے دار مقابلے کی توقع کر رہے ہیں

کیو: معروف انگلش کلب لیورپول اور نامور اسپیشن کلب ریال میڈرڈ میں کون بنے گا یورپ کا چیمپین، اس کا فیصلہ آج ہو جائے گا.

تفصیلات کے مطابق یوئیفا چیمپئنز لیگ کا فائنل آج ریال میڈرڈ اور لیورپول کے درمیان کھیلا جائے، دونوں ٹیموں میں‌ کانٹے دار مقابلے کی توقع کی جارہی ہے.

چیمپینز لیگ کے سنسنی خیز فائنل کی گھڑی آگئی، دنیا کی دو بہترین ٹیمیں آخری ٹاکرے کے لیے یوکرین کے دارلحکومت کیو پہنچ گئیں.

کیو پہنچنے پر شائقین نے دونوں ٹیموں کا بھرپور استقبال کیا، دونوں ٹیموں میں‌ اسٹار فٹ بالر موجود ہیں، جو دنیائے فٹ بال میں‌ خود کو منوا چکے ہیں، اسی وجہ سے ماہرین سنسنی خیز مقابلے کی توقع کر رہے ہیں.

فائنل ٹاکرے میں ریال کے سپراسٹار کرسٹیانو رونالڈو اور لیورپول کے نامور مصری کھلاڑی محمد صلاح توجہ کا محور ہوں‌ گے، مداح دونوں سے زبردست کھیلا کی توقع کر رہے ہیں.

لیورپول پانچ مرتبہ چیمپئنز لیگ کا ٹائٹل جیتنے والا واحد انگلش کلب ہے، جبکہ ریال میڈرڈ بارہ مرتبہ چیمپئنز لیگ کا چیمپین رہا.

توقع کی جارہی ہے کہ کیو میں‌ ہزاروں افراد اسٹڈیم میں‌ یہ کانٹے دار میچ دیکھیں گے، جب کہ ٹی وی کے ذریعے کروڑ شائقین اس مقابلے سے محظوظ ہوں گے.

یاد رہے کہ کرسٹیانو رونالڈ کو اس عہد کا عظیم ترین کھلاڑی کہا جاتا ہے، جن کا موازنہ صرف جادوگر میسی سے ممکن ہے، ادھر محمد صلاح سال کے بہترین انگلش کھلاڑی کا ایوارڈ اپنے نام کر چکے ہیں اور مغرب میں‌ اسلام کا نیا چہرہ تصور کیے جاتے ہیں.


چیمپیئنز لیگ فائنل: لیورپول اور ریال میڈرڈ مدمقابل، کرسٹیانو رونالڈو اور محمد صلاح میں مقابلہ


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیاپر شیئر کریں۔  

Comments

comments

یہ بھی پڑھیں