The news is by your side.

Advertisement

یوای ایف اے چیمپئنز لیگ : رونالڈو کی شاندار ہیٹ ٹرک، ریال میڈرڈ سیمی فائنل میں

میڈرڈ : اسٹار فٹبالر کرسٹیانو رونالڈو کی شاندار ہیٹ ٹرک کی بدولت ریال میڈرڈ نے یوئیفا چیمپئنز لیگ کے سیمی فائنل کیلئے کوالیفائی کرلیا۔ ایٹلیٹکو میڈرڈ نے بھی آخری چار ٹیموں میں جگہ بنالی۔

تفصیلات کے مطابق کرسٹیانو رونالڈو کی شاندار ہیٹ ٹرک کی بدولت ریال میڈرڈ سیمی فائنل میں پہنچ گئی، ریال میڈرڈ نے بائرن میونخ کو چار کے مقابلے میں دو گول سے شکست دے دی۔

یوئیفا چیمپئنز لیگ کوارٹرفائنل کے دوسرے لیگ میں کرسٹیانو رونالڈو کا جادو پھر چل گیا۔ پہلے ہاف میں مقابلہ بغیر کسی گول کے برابر تھا۔

دوسرے ہاف میں بائرن نے پہلے برتری حاصل کی۔ رونالڈو نے گول کرنا شروع کئے تو بائرن کے ڈیفینڈرز اپنے بچاؤ کیلئے کچھ نہ کرسکے، ایک ہی کھلاڑی بائرن کی پوری ٹیم پر بھاری پڑگیا۔ رونالڈو نے لگاتار تین گول کرتے ہوئے بائرن کے ارمانوں پر پانی پھیردیا اور ریال میڈرڈ نے یہ مقابلہ دو کے مقابلے میں چار گول سے جیت لیا۔

کرسٹیانو رونالڈو نے اس عمدہ پرفارمنس کے ساتھ ہی ایونٹ میں گولز کی سنچری بھی مکمل کرلی، وہ اب مجموعی طور پر 101 گول بناکر آل ٹائم ٹاپ اسکورر میں سرفہرست ہیں جبکہ لیونل میسی 94 گولز کے ساتھ دوسرے نمبر پر ہیں۔ چیمپیئنزلیگ کا سیمی فائنل ریال میڈرڈ اورایٹلیٹکو میڈرڈ کے درمیان کھیلا جائے گا۔

دوسری جانب ایٹلیٹکو میڈرڈ نے بھی لیگ کے سیمی فائنل میں جگہ بنالی ہے، ایٹلیٹکو اور لیسٹر سٹی کا میچ ایک ایک گول سے برابر رہا لیکن ایگریگیٹ پرایٹلیٹکو کی ٹیم کامیاب رہی۔

Print Friendly, PDF & Email

Comments

comments

یہ بھی پڑھیں