اسلام آباد / لندن: برطانیہ نے پاکستان میں لگائی جانے والی کرونا ویکسین کو منظور کرلیا، جس کے بعد اب سفر مزید آسان ہوجائے گا۔
اے آر وائی نیوز کے مطابق پاکستان سےبرطانیہ سفر کرنے والوں کیلئےخوشخبری یہ ہے کہ برطانوی حکومت نے سائنو فام، سائنوویک، کوویکسین کو بھی منظورشدہ ویکسین کی فہرست میں شامل کرلیا۔
پاکستان میں تعینات برطانوی ہائی کمشنر کرسچن ٹرنر نے ٹویٹ میں بتایا کہ بائیس نومبرسےسائنوویک، سائنو فارم کو بھی تسلیم کیا جائے گا۔
جاری ہونے والی نئی ٹریول ایڈوائزری کے مطابق برطانیہ نے کہا ہے کہ وہ اس ماہ عالمی ادارہ صحت کی ہنگامی استعمال کی فہرست میں تمام ویکسینز کو تسلیم کرے گا۔
ایڈوائزری میں بتایا گیا ہے کہ منظور شدہ ویکسینز میں فائزر، آسٹرا زینیکا،موڈرنا اور جانسن سمیت سائنوویک،سائنو فارم اور کو ویکسین لگوانے والوں کو بھی داخلے کی اجازت ہوگی۔
ٹریول ایڈوائزری میں بتایا گیا ہے کہ کسی بھی مسافر کو کم از کم سفر سے چودہ روز پہلے منظور شدہ ویکسین کی ایک خوراک لگوانا لازمی ہے۔ موڈرنا، فائز، آسٹرزینیکا کی دونوں خوراکیں لگوانے والے برطانیہ میں داخلے کے مجاز ہوں گے۔
Good news for 🇵🇰 travellers:
🇬🇧 adds Sinonvac, Sinopharm & Covaxin to the fully vaccinated list for inward travel Rules from 22 November @WHO @Officialncoc @fslsltn @Asad_UmarMore details here 👇https://t.co/6MEGmKCubC
— Christian Turner (@CTurnerFCDO) November 9, 2021