The news is by your side.

Advertisement

ہوابازوں کے لیے اچھی خبر : پاکستان میں برطانوی طرز پر پائلٹس لائسنس امتحانات کا آغاز

کراچی : پاکستان میں پائلٹس لائسنس امتحانات کا تین سال بعد آغاز ہوگیا، پہلے مرحلے میں آج کراچی میں 100 سے زائد امیدوار امتحانات میں حصہ لے رہے ہیں۔

تفصیلات کے مطابق پاکستانی ہوابازوں کے لیے اچھی خبر آگئی ، تین سال بعد پائلٹس لائسنس امتحانات کا آغاز ہوگیا، اس حوالے سے ڈپٹی ڈی جی سی اے اے نے بتایا کہ برطانوی سی اے اے کے تحت آج سے پائلٹس لائسنس امتحانات شروع ہوگئے ہیں۔

ڈپٹی ڈی جی سی اے اے کا کہنا تھا کہ پہلے مرحلے میں آج کراچی میں 100 سے زائد امیدوار پائلٹس لائسنس امتحانات میں حصہ لے رہے ہیں جبکہ کمرشل پائلٹ اور ایرلائن پائلٹس کیٹگری کے امتحانات کے لیے بڑی تعداد میں امیدوار رجسٹریشن کروا رہے ہیں۔

حکام نے بتایا کہ اگلے مرحلے میں اسلام آباد اور لاہور میں پائلٹس لائسنس امتحانات ہوں گے، پائلٹس لائسنس امتحانات کے لیے یوکے سی اے اے انٹرنیشنل سے پاکستان سی اے اے نے تین سال کا معاہدہ کیا ہے۔

یاد رہے سی اے اے پاکستان نے پائلٹس لائسنس امتحانات کے لیے برطانوی سول ایوی ایشن انٹرنیشنل سے معاہدہ کیا تھا۔

خیال رہے سال 2020 میں سابق وزیر ہوابازی غلام سرور خان کے جعلی پائلٹس لائسنس کے متنازعہ بیان پر بین الاقوامی ہوابازی کے اداروں نے پاکستان پر پائیلٹ لائسنس امتحان لینے پر پابندی لگائی تھی۔

Comments

یہ بھی پڑھیں