The news is by your side.

Advertisement

برطانیہ: کرونا کو شکست دینے والا مریض گھر آکر دوسری بیماری سے ہلاک

لندن: برطانیہ میں کروناوائرس کو شکست دینے والا مریض دل کا دورہ پڑنے سے ہلاک ہوگیا۔

غیرملکی خبررساں ادارے کی رپورٹ کے مطابق 50 سالہ ’محمد اقبال‘ نامی شہری اسپتال سے ڈسچارج ہونے کے ایک ہفتے بعد دل کا دورہ پڑنے سے گھر میں ہلاک ہوگیا، مذکورہ شہری نے حالیہ دنوں کروناوائرس کو شکست دی تھی۔

رپورٹ میں کہا گیا ہے کہ محمد اقبال برطانوی شہر برمنگھم کا رہائشی تھا، تین بچوں کا باپ کروناوائرس کی علامات ظاہر ہونے پر اپنی بیوی کے ہمراہ مقامی اسپتال میں زیر علاج تھا۔ اس دل خراش موت پر اہل خانہ اور قریبی رشتے دار گہرے صدمے کا شکار ہیں۔ مقامی کونسلر کا کہنا ہے کہ ’’مجھے اس خبر سے سخت دھچکا لگا ہے‘‘۔

دوستوں نے بتایا کہ وہ صحت یاب ہونے کے بعد دفتر بھی آیا اور لوگوں سے ملاقاتیں بھی کیں۔ حال چال پوچھنے پر بتایا کہ وہ مکمل صحت یاب ہے اور دوبارہ معمولات زندگی کی طرف لوٹ آیا ہے، اچانک دل کا دورہ پڑنے سے ہلاکت پر ہم سب بھی گہرے رنج کا شکار ہیں، ہمیں اب بھی یقین نہیں آرہا کہ یہ سب کیا ہوگیا۔

قریبی لوگوں نے کہا کہ محمد اقبال ایک سخی اور سب سے محبت کرنے والا انسان تھا۔

Comments

یہ بھی پڑھیں