اسلام آباد: پاکستان میں تعینات برطانوی ہائی کمشنر نے شہریوں کی جانب سے پہاڑی علاقے میں کوڑا کرکٹ پھیلانے کو افسوسناک قرار دیا ہے۔
پاکستان میں تعینات برطانوی ہائی کمشنر کرسچن ٹرنر جمعے کی صبح اسلام آباد میں واقع مارگلہ ہلز چہل قدمی کے لیے گئے، جہاں انہوں نے کوڑا کرکٹ دیکھا۔
غیر ملکی سفیر نے مارگلہ ہلز پر پھیلے کچرے کی تصاویر سماجی رابطے کی ویب سائٹ ٹویٹر پر شیئر کیں اور پاکستانیوں کو صفائی کا سبق بھی دیا۔
انہوں نے عوام سے اپیل کرتے ہوئے کہا کہ ’صفائی نصف ایمان ہے لہذا خوبصورت اسلام آباد کو صاف رکھیں‘۔
Another #FridayMorningWalk, another two bags of litter. Safaai nisf imaan hai cc @dcislamabad @hamzashafqaat @CleanGreenPK pic.twitter.com/JknF3go0Hy
— Christian Turner (@CTurnerFCDO) May 7, 2021
کرسچن ٹرنر نے مارگلہ کی پہاڑیوں پر موجود کچرے کو خود صاف کیا۔ انہوں نے وہاں موجود کچرے کو دو بڑے بیگوں میں جمع کر کے ان کی تصاویر سوشل میڈیا پر شیئر کیں۔ ساتھ میں برطانوی ہائی کمشنر نے لکھا کہ ’ایک بارپھر صبح کی چہل قدمی کے دوران، کچرے کے دو تھیلے‘۔
دوسری جانب اسلام آباد کے ڈپٹی کمشنر حمزہ شفقت نے برطانوی ہائی کمشنر کی جانب سے شیئر کی جانے والی تصاویر کا نوٹس لیتے ہوئے مارگلہ پہاڑیوں پر صفائی کے لیے خصوصی اقدامات کیے۔
انہوں نے لکھا کہ ’شہری جنگلاتی علاقے میں افطاری کرنے آتے ہیں اور وہ کچرا یہیں پر چھوڑ جاتے ہیں‘۔
Volunteering for cleanliness activity on Margalla Hills. Unfortunately ppl leave their waste after aftari in the forest area. @CTurnerFCDO highlighted the issue. Today we gathered our teams and helped the sanitation teams in keeping the forest areas clean. pic.twitter.com/bSQHbDmV0X
— Office of Deputy Commissioner Islamabad (@dcislamabad) May 7, 2021
ڈپٹی کمشنر نے لکھا کہ ’برطانوی ہائی کمشنر نے پہاڑیوں پر کچرے کی نشاندہی کی، جس کے بعد آج ہماری ٹیم نے وہاں پہنچ کر صفائی کی‘۔ انہوں نے شہریوں سے اپیل کی کہ وہ جنگلاتی علاقے کو کچرے سے پاک رکھیں۔
محمد عمیر دبیر اے آر وائی نیوز میں بحیثیت سب ایڈیٹر اپنے فرائض انجام دے رہے ہیں
