تازہ ترین

علی امین گنڈاپور وفاق سے روابط ختم کر دیں، اسد قیصر

اسلام آباد: رہنما پاکستان تحریک انصاف اسد قیصر نے...

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

برطانوی پارلیمنٹ نے وزیراعظم کی بریگزٹ ڈیل منظور کرلی

لندن: برطانوی ارکان پارلیمنٹ نے وزیراعظم بورس جانسن کی بریگزٹ ڈیل منظور کرلی۔

غیرملکی خبررساں ادارے کی رپورٹ کے مطابق برطانوی ارکان پارلیمنٹ نے وزیراعظم بورس جانسن کی بریگزٹ ڈیل منظور کرلی جس کے بعد برطانیہ کے یورپی یونین سے اخراج کی راہ ہموار ہوگئی۔

بریگزٹ ڈیل کی حمایت میں 330 ارکان نے ووٹ دئیے جبکہ 231 ارکان نے مخالفت میں ووٹ دئیے، جس کے بعد اسپیکر نے ڈیل کی منظوری کا اعلان کیا۔

رپورٹ کے مطابق قانون بننے کے لیے ڈیل ہاؤس آف لارڈز میں جائے گی، ہاؤس آف لارڈز کی منظوری کے بعد برطانیہ 31 جنوری کو یورپی یونین سے نکل جائے گا۔

واضح رہے کہ برطانوی وزیراعظم بورس جانسن نے انتخابات میں کامیابی کے بعد کہا تھا کہ عوام نے یہ مینڈیٹ یورپی یونین سے نکلنے کے لیے دیا ہے، برطانیہ آئندہ ماہ یورپی یونین سے علیحدہ ہوجائے گا۔

برطانیہ میں گزشتہ 5 سال کے دوران یہ تیسری مرتبہ عام انتخابات ہوئے تھے، بریگزٹ ڈیل میں ناکامی پر اس سے قبل وزیراعظم تھریسامے مستعفی ہوگئی تھیں۔

یاد رہے کہ برطانیہ میں یورپی یونین میں رہنے یا اس سے نکل جانے کے حوالے سے 23 جون 2017 کو ریفرنڈم ہوا تھا جس میں بریگزٹ کے حق میں 52 فیصد جبکہ مخالفت میں 48 فیصد ووٹ دئیے گئے تھے جس کے بعد اس وقت کے وزیراعظم ڈیوڈ کیمرون نے عہدے سے استعفیٰ دے دیا تھا کیونکہ وہ بریگزٹ کے مخالف تھے۔

Comments

- Advertisement -