The news is by your side.

برطانیہ کی نئی وزیراعظم کا بورس جانسن کو خراجِ تحسین

لندن: برطانیہ کی نئی وزیراعظم لزٹرس نے سابق وزیراعظم بورس جانسن کو خراج تحسین پیش کیا ہے۔

وزیراعظم لز ٹرس کا ڈاؤننگ اسٹریٹ آمد پر پہلا بیان سامنے آگیا۔ لز ٹرس نے 10 ڈاؤننگ اسٹریٹ کے سامنےگفتگو میں بورس جانسن کو خراج تحسین پیش کیا۔

لزٹرس نے کہا کہ بورس جانسن نے بریگزٹ پر عملدرآمد کیا اور کورونا کا مقابلہ کیا روسی جارحیت کےسامنےڈٹ گئے ہمیں سڑکیں تعمیر کرنے اور لوگوں کیلئے روزگار کے مواقع پیدا کرنے ہیں۔

لزٹرس نے یوکرائن جنگ اور کورونا کےحوالے سے بھی خیالات کا اظہار کرتے ہوئے کہا کہ این ایچ ایس کوبہترکریں گے۔

اس سے قبل اسکاٹ لینڈ میں ملکہ برطانیہ ایلزبتھ دوم سے ملاقات کے بعد لز ٹرس نے وزارت عظمیٰ کا منصب سنبھال لیا۔

ملکہ برطانیہ نے لز ٹرس کو باضابطہ طور پر حکومت بنانے کی دعوت دی جسے انہوں نے قبول کرلیا اور ایلزبتھ دوم کے ہاتھ پر بوسہ دیا۔

Comments

یہ بھی پڑھیں