The news is by your side.

Advertisement

برطانیہ، 30 سالہ شخص کو قتل کرنے والے 8 ملزمان گرفتار

لندن: برطانوی پولیس نے 30 سالہ شخص کو قتل کرنے والے 8 ملزمان کو گرفتار کرلیا جن میں دو خواتین بھی شامل ہیں۔

غیرملکی خبررساں ادارے کے مطابق سمر سیٹ کی مصروف شاہراہ پر جھگڑے کے دوران 30 سالہ شخص کو چھریوں کے وار کرکے قتل کرنے والے 8 ملزمان کو پولیس نے حراست میں لے لیا، ملزمان کے خلاف قتل کا مقدمہ درج کرلیا گیا۔

پولیس کے مطابق گزشتہ روز ویلز مرلن ڈرائیو کے قریب شام 4 بجکر 25 منٹ پر کال موصول ہوئی پولیس نے موقع پر پہنچ کر دو افراد کو آلہ قتل سمیت گرفتار کیا جبکہ گرفتار ملزمان کی نشاندہی پر دو خواتین اور 4 ملزمان کو بھی حراست میں لیا گیا۔

چھریوں کے وار سے ایک اور 30 سالہ شخص بھی زخمی ہوا جسے فوری طور پر اسپتال منتقل کیا گیا جہاں اس کی حالت خطرے سے باہر بتائی جارہی ہے، آپریشن میں پولیس کے ہیلی کاپٹر نے بھی حصہ لیا۔

مزید پڑھیں: لندن میں چاقو بردار شخص کا ایک اور حملہ، نوجوان ہلاک

پولیس کے مطابق ہلاک ہونے والے شخص کی شناخت کا عمل جاری ہے جبکہ پولیس کی جانب سے اس کے اہل خانہ کو ہر ممکن مدد فراہم کی جائے گی۔

رپورٹ کے مطابق سمر سیٹ کے علاقے میں پولیس کافی متحرک رہتی ہے تاہم اہل علاقہ کی درخواست پر پیٹرولنگ بڑھا دی گئی ہے۔

سمرسیٹ پولیس کی جانب سے عوام سے اپیل کی گئی ہے کہ ہلاکت کے بارے میں کسی بھی قسم کی اطلاع ہو تو 101 پر کال کریں یا پھر 760 پرشکایات درج کرائیں۔

Comments

comments

یہ بھی پڑھیں